Populære bibelvers fra MATIUS 1

Del

Najajiyangngi matu Maria séddi ana' worowané. Iyaro ana'é harusu'i muwéréng aseng Yésus, nasaba Napassalama'i matu umma'-Na polé ri dosana mennang.”

“Mattampu'i matu séddié ana'dara nanajajiyang séddi ana' worowané. Iyaro ana'é riyasengngi matu Immanuél.” (Immanuél iyanaritu ada Ibrani iya bettuwannaé, “Allataala engka sibawakki”.)

Mattengngangngi Yusuf timbat-timbangngi iyaro gau'é, mannippiwi. Ri laleng nippinnaro, naitai séddi malaéka'na Puwangngé makkeda lao ri aléna, “Yusuf wijanna Daud, aja' mumétau kawingi Maria; saba' iyaro ana' engkaé ri laleng tampu'na, jajiwi polé ri akuwasanna Rohna Allataala.

Makkunié curitana passalenna ajajiyanna Yésus Kristus. Indo'-Na iyanaritu Maria, mattunangangngi sibawa Yusuf. Iyakiya riwettu dé'napa mennang nakawing, mattampu'ni Maria. Dé' naissengngi Yusuf rékko mattampu'i Maria nasaba akuwasanna Rohna Allataala. Iyaro Yusuf tunanganna, iyanaritu séddiwi tau iya tuli turusiyéngngi hukkunna agamaé. Jaji maéloi pettuiwi attunanganna, iyakiya dé' narukkangngi, kuwammengngi dé' namasiri Maria ri yolona tau maégaé.