Populære bibelvers fra KAJAJIYANG 18

Del

Engkaga iya mustahélé'é untu' PUWANGNGE? Pada-pada puraé Upowada onna, asérapi Ulenna naulisu paimeng kuwaé. Na iyaro wettué jajiyangngi matu Sara ana' worowané.”

Rimakkuwannanaro macawani Sara ri laleng atinna sibawa makkeda, “Iyya iya macowaénna sibawa makelle makkuwaéwé, pékkugi makkullé macinna mupi sicampuru sibawa lakkaikku? – Nainappani macowa toni lakkaikku.”

Dé'ga wija-wijanna mancajiwi matu bangsa iya battowaé sibawa makuwasa? Tenniyaga nasaba aléna, sininna bangsaé ri linoé Ubarakkakiwi?

Maddeppéni Abraham ri PUWANGNGE sibawa makkutana, “Tongengga maéloi PUWANGNGE pabbinasai tau iya dé'é napasala silaong sining tau iya pasalaé? Ebara'na engka limappulo tau iya dé'é napasala ri laleng kotaéro, aga sininna kotaéro maéloi PUWANGNGE pabbinasai? Dé'ga namaélo PUWANGNGE maddampengengngi kuwammengngi na iya limappulo tauwéro salama'i?

Makkedai PUWANGNGE, “Ebara'na Ulolongengngi limappulo tau iya dé'é napasala ri Sodom, Uwaddampengengngi matu sininna kotaéro nasaba mennang.”