Populære bibelvers fra ROMA 11

Del

Emesare, Allah pak takes aokenemapome. Era pak takes, Armat Ipit ban ten are. Ere takes apak. Emesare, dare Allah tere aeomaaramo. Ara atakam, ere atakamnak.

Allah, ere asan akotnak, owe atetamum. Abimak binip basonak. Are amsam takesnak. Me Allah basakamtii atakam, ere bomonnak. Owe era pak amsam baemeem asan apok. Oweam, Allah aemmar pak amsam baemeem asan apok.

Alkitabam: “Allah abimak binip amsam owe tanam? Ataane Allah baooe owe tanam?

Waaam emes taka are. Owe bimisi aematisa. Allah era owe asan akot bambi batetam aeme. Erarawa Are era owe aereremartaae. Armat Ipit, era owe akot pak aemes apore, wanam aereremartaae, emes arepe? Emes apok. Are asan akot era owe bambi batetam aeme. Erarawa Are era owe aereremartaae. Allah, owe, akot pak baem apaye ato batakampor, wanam era owe baereremartaa, emes aeme ere, Are asan akot era owe bambi baemetetam asan apok.

Me Israel owe, wus juas “saitun” awa anakot emes tamen are. Tare Yahudi apok owe ere, wasen saitun wus awa emes tamen are. Emesare, Allah wan saitun wus awa anakot apakame, wanam wasen saitun wus awa, era anakot wus taipu ajartomapome emes tamen are. wus tai tapi, era wus awa anakotam, era ajartomapome wus awaam, takes ajiriwumtemeteme. Erarawa wasen saitun wus awa, akotnak aemape. Emesare, tare Yahudi apok owe, Allah Israel owe asan akot atetammar pak, takan ajamemommakam. Emesare, “Dare akot. Era asakame wus awa, ere pota,” emes bimak binip bas. Tare tamba baemetemtem bas. Tare ere, wus awa taka. Tare era wus bimi fiak baemomep apok. Era wus bimi ere, tare fiak aemomepman.