Populære bibelvers fra WAHYU 22

Del

Ulôn kheueh nyang awai dan nyang akhé; Ulôn kheueh Tuhan nibak Awai phon trok ubak nyang Keuneulheueh.”

“Simak kheueh nyoe!” kheun Isa, “Hana treb lé Ulôn teuma teuka sira Lôn ba upah keu Lôn bayeue bak tieb-tieb ureuëng ateueh peue nyang ka jipeubuet nyan.

Roh Allah dan Dara barô Inong jipeugah, “Jak kheueh keunoe!” Tieb-tieb ureuëng nyang jideungoe nyoe bah kheueh jipeugah cit teuma, “Jak keunoe!” Soe nyang grah, bah kheueh jiteuka! Dan soe nyang meuheuét, bah kheueh jicok ié nyang teubri udeb nyan ngon cuma-cuma.

Mubahgia kheueh ureuëng nyang rhah bajée jubah jih sampoe án gleh akhé jih awaknyan jeuet jipajoh boh kayée nibak bak kayée keu udeban dan jitamong lam banda nyan meulalu pintoe geureubang.

“Kalon kheueh nyoe!” kheun Isa, “Ulôn reujang kuteuka. Mubahgia kheueh ureuëng nyang jitaát ubak tutoe haba nubuat nyang na lam kitab nyoe!”

Awaknyan hana peureulée panyöt atawa cahya mata uroe, sabab malam ka hana lé, dan Tuhan Allah keudroe nyang peutrang awaknyan. Ngon lagée nyan awaknyan teuma jimat peurintah sibagoe raja keu siumu masa.

Gobnyan nyang peutrok haba nyoe geupeugah, “Beutôi, Ulôn reujang ku teuka!” Amin! Teuka kheueh, ya Tuhan Isa! Seumoga Tuhan Isa geubri beureukat ubak banmandum umat Allah!

Keu tieb-tieb ureuëng nyang jideungoe tutoe haba nubuat lam kitab nyoe, ulôn, Yahya, kubri peuingat lagée nyoe: meunyoe ureuëng jitamah sapeue-sapeue lam nubuat nyoe, teuma Allah geutamah huköman ateueh ureuëng nyan ngon bala-bala nyang teulukeh lam kitab nyoe. Dan meunyoe na nyang peukureueng sapeue-sapeue nibak tutoe haba nubuat nyoe, teuma Allah geupeukureueng jeumba ureuëng nyan nyang na teulukeh lam kitab nyoe – na kheueh bagian nibak bak kayée keu udeban dan nibak banda suci nyan.