Populære bibelvers fra IBRANI 13

Del

Bék kheueh udeb gata jikuasa lé cinta keu péng, teuma bah kheueh gata pueh ngon peue nyang na nibak gata. Sabab Allah ka geumeufeureuman, “Ulôn hana Lôn peubiyeu atawa Lôn tinggai gata.”

Isa Almaseh teutab saban, bah kheueh yoh masa ilée, jinoe, dan trok siumu masa.

Lé sabab nyan tanyoe tajeuet peugah, “Tuhan na kheueh nyang tulông lôn, ulôn hana teumakot. Peue nyang hase jipeubuet manusia ateueh ulôn?”

Bék tuwoe tapeubuet nyang jroh dan saléng tateumulông, sabab nyoe kheueh keureubeuen-keureubeuen nyang teupeu mangat até Allah.

Sabab nyan, ngon peurantaraan Isa, bah kheueh geutanyoe sabe tapujoe-pujoe Allah; nyang lagée nyan na kheueh sibagoe keureubeuen syukoe geutanyoe keu Gobnyan, nyang tanyoe peuseumah rot bibi tanyoe keu tapeumulia nan Gobnyan.

Banmandum ureuëng harôh jitunyok sikeub horeumat ubak leumbaga meukawen, nyang kheueh sabab jih lakoe binoe beuseutia sidroe ngon nyang laén. Ureuëng nyang cabui dan ureuëng nyang meumukah teuma geupeue sidang lé Po teu Allah.

Bék seugan-seugan gata teurimong lam rumoh gata ureuëng-ureuëng nyang gohlom gata meuturi. Sabab, deungon na gata peubuet nyang lagée nyan, ka lheueh na ureuëng, ngon hana sadar, ka jiteurimong malaikat lam rumoh jih.

Allah ka geupeu udeb Tuhan geutanyoe Isa nibak maté. Sabab maté Geuh nyan Gobnyan jinoenyoe Geumbala Agong keu geutanyoe, nyan kheueh bubiri-bubiri Gobnyan. Lé maté Geuh nyan cit teuma teupeusah peujanjian keukai nyang ka geupeugét lé Allah ngon geutanyoe. Seumoga Allah pangkai seujahteura nyan geupeue leungkab gata ngon peue-peue mantong nyang jroh nyang gata peureulée keu gata peubuet keuheundak Gobnyan. Seumoga, deungon peurantaraan Isa Almaseh, Allah geumubuet lam droe geutanyoe, peue nyang geukeuheundaki. Bah kheueh Almaseh jipujoe keu siumu masa! Amin.