Populære bibelvers fra KISAH RASUI-RASUI 5

Del

Petrus dan rasui-rasui nyang laén laju jijaweueb, “Kamoe museuti kamoe seutôt Allah bukon kamoe seutôt manusia.

Dan tieb-tieb uroe di Baét Tuhan dan di rumoh-rumoh gob, awaknyan hana putôh-putôh jiseumeubeuet dan jipeusampoe Haba Gét keuhai Isa bahwa Gobnyan kheueh Raja Peuseulamat nyang teupeujanji nyan.

Teuma Petrus jipeugah bak ureuëng nyan, “Ananias, pakon gata peubiyeu Iblih jikuasa até gata, sampoe gata meusulet bak Roh Allah, ngon cara seungab-seungab gata teun keu gata keudroe siteungoh nibak hase gata peubloe tanoh gata? Tanoh nyan atra gata sigohlom gata peubloe. Dan óh ka lheueh tanoh nyan gata peubloe pih, péng nyan pih mantong atra gata. Teuma pakon na meukeusut lam até gata keu gata peubuet nyang lagée nyan? Kon manusia nyang gata peungeuet teuma Po teu Allah!” Meunan jideungoe tutoe haba nyan lé Ananias, jihnyan laju reubah, dan maté. Mandum ureuëng nyang jideungoe keuhai keujadian nyan jeuet keuteumakot.

Dan jinoe nyoe ngon keujadian lagée nyoe, naseuhat ulôn na kheueh: bék kheueh gata peukaru ateueh ureuëng-ureuëng nyoe, peubiyeu mantong awaknyan. Sabab meunyoe ajaran dan geurakan jih nyan nibak manusia, ajaran dan geurakan jih nyan teuma hanco. Teuma meunyoe nyan teuka jih nibak Po teu Allah, gata mandum hana meuhase gata peutaloe awaknyan. Dan mungken teuma teunyata bahwa gata mandumnyoe talawan Allah.” Naseuhat Gamaliel nyan jiteurimong lé sidang mahkamah.