Populære bibelvers fra 1 KORINTUS 8

Del

Teuma nibak geutanyoe, Allah na kheueh tunggai. Gobnyan kheueh Bapak nyang cebta peue-peue mantong. Keu Gobnyan kheueh tanyoe udeb. Dan Tuhan na kheueh tunggai, Gobnyan kheueh Isa Almaseh. Meulalu Gobnyan peue-peue mantong teucebta, dan sabab Gobnyan kheueh geutanyoe nyoe udeb.

Jinoenyoe ulôn peugah keuhai peunajoh nyang jibri sibagoe peuseumahan keu beurala. Keubiet beutôi lagée jipeugah lé gob, “Tanyoe banmandum ka carông.” Teuma ngon carông nyan teupeujeuet manusia rhot bak sombong, seudang geunaséh teupeudong pribadi manusia. Ureuëng nyang jipike jihnyan jiteupeu peue-peue mantong, nyang sibeuna jih gohlom jiteupeu nyang silhok-lhok jih.

Nyang kheueh sabab jih, meunyoe peunajoh jeuet keusabab syedara lôn meudesya, ulôn sagai-sagai hana lôn pajoh le. Pat tateupeue syedara ulôn meudesya ngon sabab lé ulôn.

Teuma, até-até kheueh! Bék sampoe rôh ureuëng laén jeuet meudesya – sabab keuyakénan jih gohlom khong – ngon sabab Gata beubaih tapeubuet peue mantong.