Populære bibelvers fra Isaías 65

Del

Ötjönö atjebakwa̧ abönö, juluwanö teada̧lökönö jobadönö pjatatakwo̧sa, ina abebö, yöba̧lö katjatakwa̧ abönö, ida̧ökö atjebakwa̧ atadö, otiwanö pjatatakwo̧sa.

Tupakwö yöawobe Diosma: Isabenö yötawaduwakwö, mölejȩ 'yayöjȩbi, bö̧jȩ 'yayöjȩbi chotidakwo̧sa, ja̧danö jemi ikenama ajayinö wene kwujuna̧laduwa jawa omukwatöma kwomukwatibaduwökakwedöja.

Ja̧ möle tjotidi̧ma, waekwinö tjotidökakwedö, okobe jwiinö tjotidi̧tenia otiwanö laebakobe. Ja̧danö tjitji̧muma, usula tjemawakwedö batjibanö tjemökakwawö̧, otiwanö tjö̧jakwedö tjitjimuma. Jau, ötjö Isabenö Jo̧ Dios jobadönö otiwanö pjatatobetjö̧, jobekwö otiwanö tjö̧jakwedö, ja̧danö sule jobadödamaökö, tjitji̧munöbi otiwanö pjatatakwo̧sa, tjitjimubi otiwanö tjö̧jakobetjö̧.

Jau, ajayinö baledinadanö baledökakobe la'akatjöda. Jelobetjö ichajadöma mebibö tjejubiya tjönaukwökakwedö, ja̧danö tjöbatjiju tjönaukwökakwedö. Ja̧ möle chömöledöma isabenö lekwe möle tjö̧jakwedö, towibiya lekwe möle ji̧danö, isabenö lekwe möle tjö̧jakwedö. Jau, ja̧ möle omudawö chujuninawö̧ chömöledöma, idöda tjotidinejunö tjo̧'wo ösöwanö lekwe möle tjö̧jakwedö, ja̧danö tjotidaja̧ jawa, lekwe möle tjo̧'wo ösöwanö tjujuna̧lakwedö.

Ja̧ möle tjemu pjebadöma, la'akatjöda juluwanö ö'wö batjibökakwedö, ja̧danö damöma, la'akatjöda damö babibökönö ö'wö batjibökakwedö. Cien o̧biya juna̧ladönö, —Möayedöda, —jö̧ba̧lö tjomukwatakwawö̧, cien o̧biyada juna̧ladö ö'wö babibadönö, —Dios lȩebawö̧, —jö̧ba̧lö ötjabikwawö̧, okobe deinö lekwe mö̧lȩ tjö̧jakobetjö̧.

Okobe jwiinö chitea'o mösa'o ba̧kwemeachibanö, otiwanö inia tjöbökönö tjö̧jakwedö, otiwanö söbebö lotjököwö̧ tjö̧jakwedö. Ja̧ möle, tebo awilidö lobo ötjabawö̧ma, bakobe obejadökwö dösölö̧jinö ja̧nö, tju̧kwa tjukwakwedö. Ja̧danö didibadöma, meje'ye tjukwakwedö, pakayadö tjukwi̧danö. Ja̧danö a̧ko̧'döma, laböködö ja̧nö, nijinö ba̧nö nijiso̧pja̧da tjukwakwedö. Jobekwö baledakwa̧ ötjö Isabenö Jo̧ yötawajabe, isabenö yötawaja̧danö baledakobe, jö̧ba̧lö yöawobe Diosma.

Ja̧danö ötjöma cho̧'wo ösöwanö chö̧jakwo̧sa, —Chitebo comunidad Jerusalenma isabenö otiwobe, ja̧danö chömöledö Jerusalennö ju̧kwadöma isabenö otiwadö, —jö̧ba̧lö. Ja̧danö jemi tupakwö, o̧'wo tjoachö tjubudekwökakwedö Jerusalennö ju̧kwadöma, jemi tupakwö tjubudekwobe ökwöi̧ma, la'akatjöda ökwöökakobe.