Populære bibelvers fra Isaías 46

Del

tupakwö baledakwa̧ jawa jweinö yöbawo̧ma. Ötjödasa ajayinö möle yöbawinama, löji möle baledakwa̧ jawama. Jau, damötjö ina badekwachakwa̧ abönö, ja̧ jawa yöbawö, —Omukwatö chujunina jawama, isabenö badekwachakobe, isabenö chösödi̧ jawa badekwachinö chotidakwo̧sa, —jö̧ba̧lö yötawijatö, ja̧danö yöbawajo̧, badekwachinö chotidijatö. Jau, yötawinadanö badekwachinö, wiyuli ödötjö ichi̧danö ichakwo̧nö jwötocha, ödö itebotjö jawo̧ laebobekwötjö ichobö. Jobekwö baledakwa̧ yöbawö chujunajabe chömöledö, ja̧danö ju'wibi badekwachinö ja̧takwo̧sa. Baledakwa̧ omukwatö chujunajabe, ja̧danö isabenö badekwachinö chotidakwo̧sa.

Ja̧danö bemi tupakwöbi damö kwöjaduwenabi ökwödönö chiteada̧lakwo̧sa chömöledö, damö waekwö, kwöwö'yeduwi dewa'ye juna̧ladö kwö̧jaduwenama, ökwödönö che'ewakwo̧sa chömöledö. Jau chömöledö, ötjöda ökwödönö otidinasa̧, ja̧danö ötjöda meköbaduwapji jö̧ba̧lö kabebö pjatatakwo̧sa. Ötjöda ökwödönö che'ewakwo̧sa, ja̧danö kwö̧jibaduwinö pjatatakwo̧sa.

Damötjö̧ ötjö chujulu chi̧sȩbina jawa kwomukwatibaduwo chömöledö. Jelo̧ ötjödanöbo̧ ö̧jobeji̧? Deobe jö̧tö? Isabenö ötjödasa Diosbo̧ma, jelo̧ma deobe. Jau bakwo̧bi ötjödajayo̧ma deobe

Baikwö yöa̧lobe Isabenö Jo̧ma: Chömöledö Jacob itji̧mu tupadanö jojodö, ötjöma jobadö Babilonia jojodö tjösödawö̧danöbö̧kö̧sa. Ökwödö Israel jojodötjö ina 'yaba̧ladöma, ötjönö kwe'ewaduwoböma jwibadöja, ju'wedö tjösödawö̧nö tje'ewi̧danöma. Jau chömöledö, ötjöda ökwödönö e'ewö chö̧jijatö, wanedö yöta̧la, kwojo'do ökwönö jemakwa̧ abönö, babe möle baibanö ba̧kwelöjatebö ökwödönö e'ewa̧lö jo̧sa.