Populære bibelvers fra Isaías 33

Del

Jo̧bada 'diinö kwö̧jaduwobö pjaatakwo̧ma chömöledö, jo̧bada kwö̧jibaduwinö pjaatakwo̧. Jobada waisakwawa jawa ba̧ja̧dö, waisanö kwomukwataduwobö pjaatakwo̧. Isabenö nöinö mikwawobe jo̧banö yebabinö kwösödaduwi̧ma, ju'wi mikwawi̧ jawatjö bajalekwönönö mikwawi̧, ökwödö Sion mösa'o ju̧kwadö Isabenö Jo̧nö yebabinö ösödö kwö̧jaduwi̧ma.

Chuluwo̧ Isabenö Jo̧, ökwödönö lȩlöjinö edö pjakatobö atebakwö, lekwe möle pjakatakwa̧ diteada̧lajabe chuluwo̧, —Duluwo̧ Dios isabenö pjaatakwo̧, —jö̧ba̧lö. Mölekwena ökwöda kwujulunö, tjöbeba̧lö pjakatobö atebakwö, wene döbaledenama, dö̧jibinö pjakatobö atebakwö.

Jau chömöledö, Isabenö Jo̧ Diosda duluwo̧ ö̧jakwo̧, Isabenö Jo̧ Diosda ökwödönö webö ö̧jakwo̧, Isabenö Jo̧ Diosda inesö la'aka duluwo̧ ö̧jakwo̧, ja̧danö jo̧bada dö̧jibinö pjaatakwo̧, döpöjojodö tjichibapji jö̧ba̧lö.

—Baikwö yötawa, ötjökwö wene jwiinö ju̧kwadöma bidö: Weti̧ a̧ja̧kwö ja̧nö, yötja̧lo jö̧tja̧li̧danö yöba̧ladöda. Ja̧danö jojodönö usula tjemawinö webö, balada tjemotö jö̧ba̧lö isakwöködöda. Ja̧danö tjimidi̧ balada, –Sulabenö ja̧köbitjö̧ma dimidakwö, –jö̧ba̧lö tjimidobö jö̧tja̧li̧ balada emökönö, ja̧tjo̧ jö̧tja̧lidanö ja̧bö ju̧kwadöda. Ja̧danö ju'wedönö kwabö lotjoböma omukwatö junöködöda. Ja̧danö ju'wedönö suli̧ tjöwaedobö isakwö jö̧ködöda. Jobadöjayedöma, otiwanö wene jwiinö tjö̧jakwedö. Wene baledenama, jobadöma mösa'otjö, inawa ötöla 'diinö tjöekwemi tjö̧jobö tjöbadekwakwedö, ja̧danö otiwanö kwakwawabi, owawabi tjujuna̧lakwedö, —jö̧ba̧lö yöawobe Isabenö Jo̧ma.