Populære bibelvers fra Isaías 30

Del

Isabenö otiwanö ökwödönö jweebakwo̧ chömöledö, baikwö yöta̧la: Kwölakwiyuduwinö ökömakwötjö kwa̧ja̧kwaduwakwedöja, —'Ya̧kwawa manama, bimada, bimanö kwekachaduwo, —jö̧ba̧lö. Jau, kwöwaisaduwakwöchobe jalachö kwi̧'yaduwobö jȩnabi, wajwiköbaduwakwöchobe jalachö kwi̧'yaduwobö jȩnabi, otiwanö jweebakwo̧.

Jo̧kwaijayonö jobekwö baledoböma ösödö̧kö̧ Isabenö Jo̧ma. Jo̧bama o̧'wo 'dibachibö, lekwe teada̧lo̧, ökwödönö dösölö̧jinö pjaatobö ösödobetjö̧. Iteda ujulu i̧sȩbö, ökwödönö lȩlöjinö edobö ösödo̧ chömöledö. Jau chömöledö, Isabenö Jo̧ Diosma, otiwanö ja̧o jö̧a̧li̧danö ja̧bö jo̧, ja̧danö okobe deinö jo̧banö tjo'wo wana̧lö teada̧ladönö isabenö otiwanö pjabato̧, jo̧ba yöawi̧ kwa̧ja̧kwaduwo chömöledö.

Jobekwö isabenö baledakwawö̧ja chömöledö, Dios yöawi̧ kwöpöjödinaduwobetjö̧. Jau chömöledö, Isabenö Jo, Israel jojodö tjösödökwe Sulabe Jwibo̧ Diosma ökwödönö yöawinobe, —Sulabenö kwomukwataduwi̧ kabatibö, tjebachajö ötjönö kwo̧'wo kwöwana̧laduwitjö̧ma, kwö̧jibaduwakwedöja. Kwujuluduwi̧ma, ökwödöda jawamaökö, wi̧inö ja̧nö, ötjönö ösödö kwo̧'wo kwöwana̧laduwitjö̧ma, ja̧ kwösödaduwi̧da kwujuluduwi̧danö ja̧kobe, —jö̧ba̧lö yöawinobe. Jo̧kwaijayonö yöawi̧ a̧ja̧kwajadö, kwösödaduwoböma öpöjödinadöja chömöledö.

Jau chömöledö, babe ökwödönö lȩbebö, isabenö wene kwöbaledaduwobö webo̧ Diosma, ökwödönö ö̧ba̧jadakobetjö̧. Babe u̧ju̧kwawobedanö ichejekwa, jokwaijayonö tupakwö uju̧kwawökakwo̧ chömöledö, isabenö kwöbajaleduwinö kwedaduwakwedöja, ökwödönö ba̧ja̧do̧ Diosnö.

Yadakwö isabenö Sion mösa'onö tjö̧jakwedö jojodöma, ja̧danö Jerusalennö ju̧kwadöma budekwö katjatibakwedö. Kwo'woduwi tjo̧bekwö pjaatobö jwökeba̧laduwiökwe, a̧ja̧kwakwo̧ Diosma, jadanö a̧ja̧kwajo̧, isabenö lȩlöjinö edö pjaatakwo̧. Jau, a̧ja̧kwenama, isabenö juluwanö atadö pjaatakwo̧.

Baikwö yöawobe Isabenö Jo̧ma: —Chitji̧mu kwuuduwi 'dibadö, isabenö usula kwemawaduwakwedöja. Ökwödöma omukwatö kwujunaduwaja̧danö badekwachinö ja̧badöja, jo̧kwaijayonö ötjö omukwatö chujuninadanömaökö. Ja̧danö ju'wedökwö bakobe pjabatakwawö kwöjaduwakwa̧ wene yöbawö kwujunaduwajabe, jo̧kwaijayonö ötjö cho̧'wo luwo̧ weawö̧, jobekwö yöbawö junöködöja. Jau, ida̧ökö sulabenö ja̧bajadö, ajayitjö̧ bajalekwönönö tupakwö sulabenö jabadöja.