Populære bibelvers fra Isaías 26

Del

Ökwönö omukwatö jo̧nö, otiwanö teada̧lo̧ja duluwo Dios. Ökwönö o̧'wo wa̧na̧lö ösödö ö̧jobetjö̧, bakwainö wene jwiinö ö̧jobö pjabato̧ja.

Ba̧kwelöjatebö Isabenö Jo̧ Diosnö do'wo wa̧na̧lö dösödobö jo̧be, duluwo̧ Isabenö Jo̧ Diosma, inawa tjöeba̧lawa ba̧kwelöjatebö 'diinö ja̧wadanö ichejekwo̧obetjö̧.

Chuluwo Dios, jwiinö chösödakwö, yö̧tebi jwaikwöda ökwönö ösödo̧sa. Cho̧'wo luwo̧ma jwaikwöda ökwönö isakwö jo̧ chuluwo̧. Jau chuluwo̧, bö̧jȩtjö lȩekwa yöbawö, lȩkebenama, bö̧jȩ jojodöma otiwanö jabö ja̧kwawa, weköbi̧ a̧ja̧kwö ja̧kwawa waisachibadö, jo̧kwajabetjö̧ jwaikwöda ökwönö isakwö jo̧sa.

Duluwo̧ Isabenö Jo̧, isabenö ökwöda wene jwiinö dö̧jobö pjakatakwo̧ja. Jau duluwo̧, okobe jwiinö belö otiwanö dotidina jawama, ökwöda kwotidinobetjö̧ dotidobö ji̧nobe duluwo, jo̧kwajabetjö̧ döwaisa, wene jwiinö dö̧jakwa̧ma, ökwöda weköbobetjö̧ otiwanö dö̧jakwedösa, jö̧ba̧lö.

Duluwo̧ Isabenö Jo̧, lȩekwa yökawakwa̧ teada̧ladösa, weköbi̧ a̧ja̧kwö, do̧'wo wana̧lö teada̧ladösa, —Duluwo̧ Diosma lȩekwa jweinö yöawakwo̧, —jö̧ba̧lö. Isabenö ökwönö ösödadösa duluwo̧ Dios, okobe deinö ökwönö tjaja̧kwobö ösödadösa, okobe deinö ökwönö tjomukwatibobö ösödadösa, —Isabenö Jo̧ Diosma otiwo̧, —jö̧ba̧lö.

Jo̧kwaijayonö otiwadösa jö̧ba̧ladö tjitebo comunidad pjolö loijayonö, Dios wei̧ a̧ja̧kwö ja̧dönö pjabato̧ Diosma, ba̧ba̧lawobe kwetjachobö pjabato̧. Jau chuluwo̧ Dios, weköbi̧ a̧ja̧kwadönö pjabatö, mana ba̧ba̧lawamanö kwetjachobö pjabato̧ja.

Isabenö Diosnö do̧'wo döwana̧lobö jo̧be. Jo̧bama otiwadösa jö̧ba̧ladönö tabakwö tjö̧jobö webo̧, otiwadösa jö̧ba̧ladö tjitebo comunidad, möakwö kaekwobe comunidadma, meatö lobo̧ Diosma. Jwiinö nijakwö baibanö meatö lobo̧ Diosma, nijiso̧pja̧ jȩmi baibanö meatö lobo̧.

Comunidad apjude po̧kebaduwo, Dios wei̧ a̧ja̧kwö ju̧kwadö tetjachobö, Dios wei̧ jwaikwöda a̧ja̧kwadö tetjachakobetjö̧.