Populære bibelvers fra Isaías 17

Del

Baikwö laebobe Dios ötjönö yöawina, Siria niji comunidad Damasco baledakwa̧ jawama: —Baikwö yötawa: Damasco comunidadma ja'yubenö lekwajabetjö söbebö lotjakwemi, comunidad jwiemi, pjolö loawemida baibakobe.

—Efrain niji comunidadbiyama, bakwainö tjöekwi̧ jwiemi comunidadbiyada baibakobe, ja̧danö Siria niji la'aka luwedö Damasco comunidadtjö webö tjö̧ji̧ma 'dö̧ibakobe, siria niji la'aka luwo̧ deemi baibanö. Jau, israel jojodönö baledinadanö baledakobe Siria niji jojodönöbi. Ajayinö inesö otiwadö juluwadö tjö̧jinajayonö, ja'yubenö lekwajabetjö̧ o̧bukwedö juluwöködöda tjö̧jibakwedö siria jojodöma, —jö̧ba̧lö laebobe Isabenö Jo̧ Okobe Jwiinö Juluwo̧ Dios yöawi̧ma.

Tupakwö yötawa, Dios israel jojodönö yöawi̧ma: —Ja̧ möle Jacob itji̧mu tupadanö jojodö israel jojodö otiwanö tjujuna̧li̧ma 'dö̧ibakobe, jwibadö batjibanö. Wanedö yötawa israel jojodönö baledakwa̧ma: Nöbo̧ o̧tewo̧ ö'dalukachobedanö baledakobe israel jojodönö.

—Ja̧danö Aroer comunidad pjeanö ji̧ comunidadbiyama, jojodö deobe baibakobe, sule tjajwi̧mu obejadö abawemi baibakobe. Ja̧danö, jojodö deiawö̧, jobe bamatö otiwanö tjabakwedö obejadöma, ja̧danö bakwo̧bi obejadönö yetjaibanö ja̧ökakwo̧, jobe ju̧kwadö deobetjö̧.