Populære bibelvers fra Isaías 12

Del

—Jau, edaduwi, Diosda ökwödönö dö̧jibinö pjabato̧ma, jo̧kwajabetjö̧ jo̧banö do̧'wo wa̧nalö ja̧nö, yebabökönö dö̧jakwedösa. Jau, Isabenö Jo̧ Diosda dujuluwachibanö pjabato̧ma, jo̧bada dö̧jibinö pjabato̧ma, ja̧danö döpöjojodötjö dö̧jibobö pjaatinobetjö̧, jo̧banö ösödö lo̧badösa, —jö̧balö yöka̧laduakwedöja.

Ojwese'do otiwe'dotjö owö kwo̧'woduwi ösöwachibi̧danö, kwö̧jibaduwinö pjabato̧kwö dötewinö ja̧nö kwo̧'woduwi ösöwachibanö kwö̧jaduwakwedöja.

Isabenö Jo̧nö ösödö lo̧daduwo, isabenö iteda dejatinö ujulu i̧sȩbö ökwödönö pjaatinobetjö̧. Okobe deinö bö̧jenö ju̧kwadö tjöwaisachibakobetjö̧ lo̧daduwo.

Ja̧danö ja möle baikwö yöka̧laduwakwedöja: —Isabenö Jo̧nö dösödaduwo, jo̧ba imi yöba̧lö dösödaduwo, –Isabenö Jo̧ Diosda ökwödönö pjabato̧ma, –jö̧ba̧lö. Tjitebotenia jojodönö yödawaduwo, Dios otiwanö pjaatina wenema, tjöwaisachibanö yödawaduwo, –Isabenö Jo̧ Diosda bajalekwönönö bo̧ma, –jö̧ba̧lö.

Ja̧danö, ja̧ möle Dios jwiinö otiwanö pjaatiawö̧, baikwö yöka̧laduwakwedöja: —Duluwo̧ Isabenö Jo̧, otiwanö pjabato̧ja jö̧ba̧lö yöda̧lakwö. Jau Duluwo̧, ajayinö ökwödönö kwödameakwijatö, jo̧kwaijayonö ajayinö kwödameakwinajayonö, kwödameakwi̧ma kakatibajabe, ja̧danö do̧'wo ösöwachibanö pjakatajabe.

Ökwödö Jerusalennö ju̧kwadöma labinö jwöbeba̧lö yökawaduwo, ja̧danö kwo̧'woduwi ösöwachibanö lo̧köbaduwo, ökwödö kwö̧'da̧deduwi jo̧, Inesö Suli̧ Jwibo̧ Israel jojodö tjösödökwema isabenö juluwo̧obetjö̧, —jö̧ba̧lö yöka̧laduwakwedöja.