Populære bibelvers fra Éxodo 8

Del

Ja̧danö, faraón ömöayedö maliba luwama idöda mea boawa tjöwaisinö Aarón nijiso̧pja̧ no̧jwö̧ batjibanö i̧sebö kwai̧danö bakwainö baledobö wetjijayonö waekwijadötö. Ja̧danö, no̧jwö̧ma jojodönö tja̧jwi̧munöbi pja̧bijadötö tjowobö. Jo̧kwaiawö̧ maliba luwama jö̧ba̧lijadötö faraónnö, bejenö baledi̧ma Diosda wei̧, jö̧ba̧lö. Jo̧kwaijayonö faraónma ina omajade 'diinö ji̧jetö, Moisés, Aarón atjebi̧ öpöjödö.

Ikenama Isabenö Jo̧ma Moisésnö webijetö: —Moisés, faraón ö̧bobekwö 'ya̧wi yökawo ötjö jo̧banö weti̧ma, baikwö: Isabenö Jo̧ma ökwönö baikwö weobe: Chömöledönö kabatakwawi ötjönö ösödö iyö tji̧'yo.

Jejenö Isabenö Jo̧ma jwo̧i̧dönö wotjobö weijayonö faraónma, tjo̧wi otiwa, jwo̧i̧döma wotjajabe, jö̧balö edena ina omajade 'diinö ji̧jetö. Ja̧danö, Isabenö Jo̧ yöa̧linadanö a̧ja̧kwijökötö Moisés, Aarón atjebi̧ma. Israel jojodönö latjebobö webijökötö.

Kakatakwawökötjö̧ma ¡ayö! ötjö chujulu i̧sebö lȩtebokwöcha, jwo̧i̧dönö webö kwitebonö okobe jwiinö batjibanö.

Ikenama Isabenö Jo̧ma Moisésnö webijetö: —Aarónnö weköbo, otokwa'o do̧ba̧lö i̧sebö nijinö kwao. Kwaena nijiso̧pja̧ma no̧jwö̧da baibanö baledakobe, okobe jwiinö Egiptonö— webijetö Isabenö Jo̧ma Moisésnö.

Ja̧danö, ja̧ dewachö yȩayi̧ Moisésma Isabenö Jo̧ yöawaja̧ faraónnö yöawijayonö öpöjödijetö. Jo̧kwaobetjö̧ Isabenö Jo̧ma iteda yöawi̧danö lȩbebö webijetö ma̧tu̧lȩnö. Ma̧tu̧lȩma ba̧jȩkwadö tjowobö köba̧lö tebachijadötö faraón ejunöbi, ömöayedö tjejunöbi. Ja̧danö okobe jwiinö Egiptoma jwiinö sulijetö ma̧tu̧lȩda batjibobetjö̧.