Populære bibelvers fra Éxodo 16

Del

—Isabenö Jo̧ma ökwödönö Egiptotjö kwabö loinatjö̧ma otiwena, bai mejenö ja̧nö a̧wi̧chitjö wodökakobetjö̧. Jobe Egiptotjöma itebiya palaka'donö toawa ba̧nö kwiadijatö. Panbi domeawinö kwiadijatö jobetjöma. Jo̧kwaijayonö baima yelösöda jwiobe. Moisés, ökwödöma okobe deinö a̧wi̧chitjö wodotö jö̧ba̧lö kwichejebaduwajabe bai mejema— jwöbeba̧lijadötö. Ikenama Isabenö Jo̧ma yöba̧lijetö Moisésnö: —A̧ja̧kwitjö. Ötjöma mölekwena kwakwawa mölejebetjö nijakwö tjoduwobö wetocha, ökwödö pan kwukwaduwi̧danö kwukwaduwobö. Jojodönö weköbo kwakwawa tjoduwena tjejutjö labebö tje'do mölekwena ja̧ möle tjukwi̧da, u'yudökönö. Jejenö ötjö weti̧ tja̧ja̧kwojobö, tja̧ja̧kwokojobö chedocha.

Jobe mejenö ja̧nö a̧wi̧chö̧lö̧jiawö̧ okobe deinö Israel jojodöma Moisésnö Aarónnö jwöbeba̧lijadötö

Ikenama Moisés jö̧ba̧lijetö: —Yi̧benakwena Isabenö Jo̧ma itebiya kukwaduwobö iyakobe. Ja̧danö, yȩayikwena kwakwawa iyakobe, ökwödö pan kwukwaduwi̧danö kwomeawaduwinö kwukwaduwobö jwökeba̧laduwi̧ a̧ja̧kwajabetjö̧. Isabenö, jo̧banöda jwökeba̧laduwobe, ökwödönömaö̧kö̧. Sule Isabenö Jo̧ ömöayedöbedösa ökwödöma— jö̧ba̧lijetö.

—Israel jojodö jwötjeba̧li̧ma cha̧ja̧kwajabe. Jo̧kwaobetjö̧ jobadönö baikwö yökawo: Makö yi̧bena itebiya kukwaduwakobe. Ja̧danö, itekwayi dewachö kwakwawa, pan kwukwaduwi̧danö kwukwaduwakobe, kwomeaduwinö. Jejenö baledobetjö̧ kwöwaisachibaduwakobe, isabenö, ökwödönö pjabato̧ma Isabenö Jo̧da, ökwödö Duluwo̧ Diosda, jö̧ba̧lö. Jejenö yökawodönö— yöba̧lijetö Isabenö Jo̧ma Moisésnöma.