Populære bibelvers fra Daniel 2

Del

ja̧danö Diosnö ösödö Daniel yöa̧linobe: —Isabenö ba̧kwȩlö̧jatebö kabatökönö Diosnö dösödobö jo̧be, isabenö jo̧bada waisanö omukwato̧obetjö̧, ja̧danö isabenö jo̧bada juluwo̧obetjö̧. Isabenö Diosda tupakwö baledakwa̧ omukwatö juno̧ma, babe baledakwa̧bi tupakwö baledakwa̧bi. La'aka luwedötjö ju'wedönö la'aka luwedö tjö̧ji̧tjö latjebobö webo̧ Diosma, ja̧danö la'aka luwedö tjö̧jinemi balekwedönö webo̧. Diosda jojodö waisanö omukwatadö batjibobö pjabato̧ma, ja̧danö jo̧bada waisachadö nöinö tjöwaisachibobö pjabato̧ma. Jo̧bada okwa jawa, jojodö wajwitji̧ jawa i̧sebo̧ma, ja̧danö bakwainö dewinö ö̧jijayonö, okobe jwiinö yȩa'wo okwa ji̧ jawa waiso̧ma jo̧bada.

Abebö a̧ja̧kwökwe, Danielma atadinobe: —Isabenö böjȩtjö bakwo̧bi deobe kwi̧'wi̧dikwina yöbawo̧ma, waisanö omukwatadötjöbi, mea bobadötjöbi, tupakwö baledakwa̧ yöbawadötjöbi, si̧li̧'idönö waisachadötjöbi, bakwo̧bi deobe. Jo̧kwaijayonö mölejȩbe Dios ö̧jobe, jojodö wajwitji̧ jawa i̧sebo̧ma, ja̧danö jo̧bama ökwö inesö la'aka luwo̧ Nabucodonosornö i̧sebinobe 'dö̧ibaji̧ möle baledakwa̧ma. Kamapjonö ba̧nö kwi̧'wi̧dikwinabi, ju'wi kwi̧'wi̧didanö kwedinabi baikwö yötawa

Ja̧danö, jobadö tjö̧jakwa̧ möle, mölejȩbe jo̧ Diosma bakwo̧nö ujunakobe, inesö la'aka luwo̧ baibanö, ja̧danö jo̧ba yöbawö ö̧jakwa̧ma la'akatjöda 'dö̧ibökakobe. Bakwo̧bi jo̧banö ujuluwökakobe, ja̧danö jo̧ba ömöledöböködöma la'akatjöda jo̧ba yöbawö ö̧jemi balewö lotjökakwedö, öpöjojodöda webö tjö̧jobö. Jo̧bama okobe deinö jo̧batjö ajayinö ji̧nadö la'aka luwedöbinadö yöbawö tjö̧jinama söbebö loakobe, ja̧danö jo̧ba yöbawö ö̧jakwa̧ma ba̧kwȩlö̧jatebö ja̧kobe.