Populære bibelvers fra HEBREOS 3

Del

Ojjaña pojjajo miquianaja meshijo ba'eca Jesosaja epeejjicuana esohui o queaja'a ba'epoquijjijo apoquiacue quiaa. Oya jayojja miquiana ojaya apea-aicajji cuanaja. Jamaya miquianaja jiquio meshijo eshe ba'eya acapoquijji cuana mimishi miquianaja eyamijo nequiya edasiacapoqui poanijje. Mimishijo jama jjapomeequi'yomajje shajjama'nei jayojja poaje'yo quiana.

Ecue dohuecuana jjo'icuana, jjabaneiquicue quiana oe queaquehuanee ejjashahuabaqui'yo poanijje oja esohuijo queamimishica'a epo'yo poanijje. Jama po'yomajje quiana ca quea-Eyacuiñajjihuesha ba'epoquije o'oya. Oya eshetii nequipoquiani.

Bacue, eseya Quitonijjetii nequipoquiani ojaya'yo poani oe jjabaquipoquicue. Jama ojaya'yo poani jjabaquimajje eseya queaca'atii ba'epoquije jama manoje'yo se. Ma ecua se jjashahuabaqui'yojeahua e'ejojonei poanaje, jama pea-aiya se queaca'a ba'ecapoquijjitii.

Eyacuiñajjija esohui yahuajonei etehue jaa Edojjoshahuapame jama poani ba'a: “Jiquio jjeya eya Eyacuiñajjiya huohuimeecani esohui shajja-ajjaje jjabaquimajje a'a quiana oe shajjama' jayojja pojji majoya. A'a queamimishica'a pojji ma ecua yahuajonei israelita queahuisocuana ecuea esohuijo jjashajja-ajjaquisapo-ajjanei pocapoa jama pea-aiya. Ecue quia esohui ecuea eajeyo'yojji pojjeama poso jjashahuabaquimajje macuaaya eya niñebacapoa se-ejjama' meshijabojo aniya.

Ecue dohuecuana, jjo'icuana, Eyacuiñajjiya quiana bacani ojaya'yo quijje queapamenee eba'etiitii'yojji onijje Eyahuasijje. Miquianaya jama epojjiya iyaacanaje ohuaya, jamajjeya quiana oe Jesosa Quitojo queaja'anee jjashahuabaneiquipoquicuetii. Oya Eyacuiñajjija huoojea poa ese oja esohui e'ejojonei sohuihuohuipoquiajji. Eyacuiñajjiya oya onijje emimipoquijji ebionei etii nequimeepea-aicani ese queaja'a ba'emeesahuapoquiajji ma ese jjashahuabaquipoquiani esohui jayojja eba'epoquijji.