Populære bibelvers fra 1 PEDRO 3

Del

Quito caca queapameneenee emiquianamese poani bacajji quianaja. Jamajjeya oya e'ejojonei bihuiapoquiacue. Apoa epotii quiana oe nequipoquicue peacuana queaja'a saja-ajji ohua huohuiajjacajje yajja pomajje Eyahuasijje poquica'yojji. Queaja'a oe saja-acue Quitojonei poquije'yo Eyahuasijje. Onaa jama huohuiajjame acajje jjapashineijje saja-acue, janobajjimanei pojjeama. Miquianayanei queapame poani pojjeamaa oya esohui huohuicue. Queaja'atii ba'epoquicue miquianaja ejjashahuabaquijji queamimishi ehuanaquehua poanijje esapadojjojo. Jama quiana queapame Quitojo ba'yani bamajje joya miquiana siajje ajji poanicuana queabicho jjabaquije oja esohui siajje miquianajo. Ohuaya quiana bacaje e'ejojonei Quitoja esohui jayojja ba'epoquiani, siajje pojjeama.

Emeshimeseneiya ojjaña joya queaja'a mimishiama ba'epoquianicuana asahuacapoquiani, jaahuanacani pea-ai. Oja mimi shajja-ajjacani ohuaya. Joya queamimishitii ajji poanicuana ca Eyacuiñajji o asahua-ajja, oya jama sapo-ajjanei” jamaya tehuecapoa.

Ehuanasecuana, a'a miquianaja eyami ebiajjejje queapame ejjabaquijjijo jjashahuabamajamajaquijjitii. Oro eyijji queahuisojo, eshajjajo eba'ehuanajjicuanajo, esao-ao pashajjajjajjijo, daquisiyo queanahueneejo pea-ai a'a oe majoneiya jjashahuabaquipoquijji. Miquianaja eyamiquipajje oe queajjashahuabaquija'a pocue. Majjeya queapame ba'ecapoquijji queaquijijjijajinee, queabei, miminaa-ama. Miquiana jama epojjiya Eyacuiñajjiya ba'emeesa-acani.

Eyacuiñajjija esohui yahuajonei etehue jaa jama poani ba'a: “Ojjaña cua queabihui ba'epoquisapoanicuanaja oja yana nahuecajji, esohui jjochicajji queatai peajo esohui ejeacuaya poanijje, siajje epo poanijje pea-ai. Ojaya oja mimishicuana cajaa aneica'yojji, queaja'a mimishiama ba'ecapoquijji. Oya queabei peacuananijje eba'epoquijji jjabaneiquicajji.

Miquianaya Jesosaja epeejji poani oya jayojja pea-ai jjashahuabaquime ba'epoquicue. Pea Jesosaja epeejji queayenonee poani bamajje miquiana queayeno popea-aicue ojo. Miquiananijje ba'ejji Jesosaja epeejjicuana queajeanee apoquiacue oya dohue pea-ai poaniyajjejojo. Peacuana queapame asahuapoquiacue. A'a miquianayanei queapame poani poso jjabaquijji, peacuana queapame pojjeama a'a ajji oya. Onaa quiana queamimishi acajje queatai mata-acajje a'a jjasoseaquijji, a'a mimijajipea-aijji onijje. Chojja, jama se poca-ajja esosejje. Jamatiiya esohui queapame oya acue Eyacuiñajjija oya eba'emeesahuajji. Jamaya Eyacuiñajjiya quiana mimimeesa-acani comanijje ojaya quiana quijje queabihui eba'emeesahuajji.

Miquianaya queaja'a ba'ecapoquijji. ¿Ache dejjaa shai quiana queayenoneetii pomeecaje miquianaya queaja'atii ba'esapoajo? Acheyapishana.

Ojaya oja mimishicuana cajaa aneica'yojji, queaja'a mimishiama ba'ecapoquijji. Oya queabei peacuananijje eba'epoquijji jjabaneiquicajji.

Eyacuiñajjiya eseya queacamajanee ameesa-amajje jamatii se queaja'a ba'e jamaya ca-ameecahua dejjamasecuanajo. Jama poajo Eyacuiñajjiya eseya queapame poani bacaje majoya. Eseya ca shajjama' jayojja poani, majoya queanee acaje cuaa bamajje Eyacuiñajji queayeno poani esejo.