Populære bibelvers fra मत्ती 21

Del

अगर तुश्शो विश्वास पक्‍कोए त ज़ैन किछ तुस प्राथनाई मां मग्गेले, तैन तुसन मैल्ही गालू?

यीशुए जुवाब दित्तो, “अवं तुसन सेइं सच़ ज़ोताईं कि अगर तुस विश्वास रखथ, ते शक न केरथ, ज़ैन फैगेरे बुट्टे सेइं भोवं तैन तुस भी केरि सकतथ, बल्के उस पहाड़े जो ज़ोले कि इट्ठां उखड़तां समुन्दरे मां गा, त तैन्ने भोल्हु।”

ते तैना लोक ज़ैना यीशु सेइं साथी अग्री-अग्री ते पत्ती-पत्ती च़लोरे थिये, तैना नहरे देते थिये, “दाऊदेरे मट्ठेरी होशाना (तारीफ़), धने तै, ज़ै प्रभुएरे नंव्वे सेइं एइते, सुर्गे मां होशाना।”

ते तैनी ज़ोवं, “लिखेरूए कि मेरे मन्दरे जो प्राथना केरनेरू घर ज़ोले, पन तुसेईं त ऐह डैकू केरो अड्डो बनेवरोए।”

“सिय्योनेरे कुइये सेइं ज़ोथ, कि तेरो राज़ो तीं कां एवरोए, ते तै बड़ो हलीमी ते तै गेधी पुड़ च़ेढ़तां एवरोए, बल्के गधेरे बच्‍चे पुड़।”

यीशुए तैन सेइं ज़ोवं, “तुसेईं पवित्रशास्त्रे मां कधे नईं पढ़ेरू, ज़ै घोड़ मिस्त्रेईं रद्दी कियोरो थियो, तैए कूनेरो घोड़ भोल्हो, एन कम परमेशरे कियोरूए, ते इश्शी नज़री मां एन आजीब आए?”

एल्हेरेलेइ अवं तुसन सेइं ज़ोताईं, कि परमेशरेरू राज़ तुसन करां निव गालू, ते एरी कौमी कां दित्तू गालू ज़ै वक्ते पुड़ तैस फल दे।