Populære bibelvers fra KA BUKE MUA A MOSE, I KAPA ʻIA KINOHI 6

Del

A mihi ihola ʻo Iēhova i kāna hana ʻana i nā kānaka ma luna o ka honua, a ua ʻehaʻeha kona naʻau.

¶ A ʻike maila ke Akua, he nui ka hewa o kānaka ma ka honua, a ua hewa wale nō ka noʻonoʻo ʻana o kona naʻau, āna i manaʻo ai i nā lā a pau.

Akā, loaʻa iā Noa ke aloha ʻia mai i mua o Iēhova.

¶ Eia ka moʻoʻōlelo no Noa; he kanaka pono ʻo Noa, a he hemolele i waena o nā hanauna ona, a hele pū ʻo Noa me ke Akua.

ʻĪ ihola ʻo Iēhova, “E luku auaneʻi au i nā kanaka aʻu i hana ai, mai ke alo aku o ka honua, i nā kānaka a me nā holoholona, a me nā mea kolo, a me nā manu o ka lewa; no ka mea, ke mihi nei au i kaʻu hana ʻana iā lākou.”

¶ A i ka wā o ka hoʻomaka ʻana e māhuahua ai nā kānaka ma luna o ka honua, a ua hānau mai nā kaikamāhine a lākou. ʻIke aʻela nā keiki a ke Akua i nā kaikamāhine a nā kānaka, ua maikaʻi lākou; lālau akula lākou i nā mea a lākou i makemake ai i mau wāhine na lākou. ʻĪ ihola ʻo Iēhova, “ʻAʻole e noho loa ana kuʻu ʻUhane me kānaka; no ka mea, he kino nō ia; akā, ʻo kona mau lā ma kēia hope aku, he haneri makahiki ia a me ka iwakālua.” Noho ihola nā kānaka nunui ma ka honua ia manawa; a ma hope aku, a komo akula nā keiki a ke Akua i loko i nā kaikamāhine a nā kānaka, a hānau mai na lākou ka poʻe kānaka ikaika, he poʻe kānaka kaulana lākou i ka wā kahiko.

Pēlā ʻo Noa i hana ai; ma ka mea a pau a ke Akua i kauoha mai ai iā ia, pēlā ʻo ia i hana ai.

¶ ʻŌlelo maila ʻo Iēhova iā Noa, “Ua hiki mai i koʻu alo nei ka hope o nā mea ola a pau; no ka mea, ua piha ka honua i ka hōʻino ma o lākou lā; aia hoʻi, e luku auaneʻi au iā lākou ma ka honua.

“E hana ʻoe i hale lana nou; e hana hoʻi ʻoe i nā keʻena ma loko o ka hale lana, a e hāpala aʻe i ke kēpau ma loko a ma waho.

Nānā maila ke Akua i ka honua, aia hoʻi, ua ʻinoʻino ia; no ka mea, ua hana ʻino nā kānaka a pau i ko lākou ʻaoʻao ma ka honua.

“A no nā mea ʻiʻo a pau e ola ana, e lawe ʻoe i ʻelua o kēlā mea kēia mea i loko o ka hale lana, i kāne i wahine, i mālama ola pū iā lākou me ʻoe.