Populære bibelvers fra OBUCHACHILO 17

Del

Olwa Aburamu yali nemiyika amakhumi shienda nende shienda, OMWAMI Nyasaye yamuloleshela ne namuboolela ari, “Isie nisie Nyasaye Owobunyali Bwosi. Buli lwosi okholenje amalayi imbeli wanje ne khandi obe omulunjishi.

Eliiralio shililaba Aburamu ta, nebutswa lilaba Aburahamushichila ekhukholile iwe okhuba samwana amahanga amanji.

Ndalatinyisia indakano eya ndakhola hakari wanje ninawe, nende abolwibulolwo, nende abakhetse olunyumalwo mubisoni biabwe biosi, okhuba indakano yemiyika chiosi, mbu isie embe Nyasayewo khandi Nyasaye wabolwibulolwo olunyumalwo.

“Ekhola indakano yanje hakari wanje ninawe ne wakhabe samwana abamahanga abanji.

Naye Nyasaye nakalusia Aburahamu ari, “Ta, Sara omukhasiwo alakhwibulila omwana omusiani, ne olimukulikha eliira mbu, Isaka. Ndiliralisia indakano yanje nende omwana oyo nende abolwibulolwe inziayo, khandi ndakhachikhole okhuba indakano yemiyika chiosi.

Khandi ndilikhuhelesia iwe nende abolwibulolwo abetsa olunyumalwo eshialo shino, eshia iwe olimwo omucheni. Eshialo shia Kanani shiosi shiliba eshiabolwibulolwo emiyika chiosi, ne khandi ndiliba Nyasaye wabwe.”

Mana Aburahamu niyenamia obwenibwe hasi ne natsekha niyereeba mumwoyokwe ari, “Mana omusaatsa ouli nemiyika eshikhumi shilala yakhebula omwana? Mana Sara nali nemiyika amakhumi shienda yakhebula omwana?”

Khandi Nyasaye naboolela Aburahamu ari, “Nawe shiolalangakhwo omukhasiwo eliira mbu, Sarai tawe, nebutswa okhurula bulano alalangwa mbu, Sara.

Mulashebwa khulwa okhukhalaka lifunga. Ne eshio nishio eshilaba eshilolelo shieindakano yanje ninenywe.

Nebutswa ndalatinyisia indakano yanje nende Isaka, owa Sara alakhwibulila iwe, khubise shinga bino omwika kwitsa.”

Buli omwana omusiani mwinywe owetsinyanga munane okhuula ashebwe. Buli omundu weshisaatsa mwinywe, abe omusumba owebulilwa mungo wenywe noho owakulwa amapesa okhurula khubarende, buli mundu mwinywe okhuula ashebwe. Ne shino shilaba eshilolelo khumibili chienywe mbu, indakano yanje ninenywe yibe yemiyika chiosi.