Populære bibelvers fra Romanos 6

Del

Jutsa rurayqa wanuymanmi apamantsi. Señornintsi Jesucristo noqantsi rayku wanushqa kaptinmi Tayta Dios dembaldila salvamantsi nawpancho imayyaqpis kawanantsipaq.

Manami Tayta Diospa leyninkunata cumplishqaykiman yärakurtsu salvakärinki, sinöqa kuyapäkuq Tayta Diosman yärakurmi. Tsayno karqa manami jutsa ruraypa munayninchönatsu karkaykanki.

Bautizakushqantsi hörami Jesucristuwan pampakuqno kashqantsi. Tsaypitami Jesucristuta Tayta Dios munayninwan kawaritsimushqanno noqantsitapis mushuq kawayta qomashqantsi.

Lutan ruraykunamanpis ama jatikaytsu. Wanushqaykipita kawarimushqano kaykarqa Tayta Diospa makinchöna kawapäkuy. Lapan cuerpuykipis Tayta Dioslapaqna katsun.

Shumaq tantiyakushun. Unay kawaynintsiqa Jesucristuwan cruzcho wanushqanami kaykan. Tsaymi kananqa jutsa ruraypa munayninchönatsu kaykantsi.

Tsaynöla qamkunapis jutsa ruraypaq wanushqanöna kapäkuy. Kananqa [Señornintsi] Jesucristucho kashpayki Tayta Dios munashqanno kawapäkuy.

Tsayno kaptinqa Tayta Dios mas kuyapämänantsipaq ¿jutsata rurartsuraq kawashun? ¡Manami! Noqantsiqa jutsa ruraypaq wanushqanönami kaykantsi. Tsayno kaykarqa ¿imanöparaq jutsata rurar kawashwan?

Jutsata ruralar kawaptintsiqa jutsa ruraymi patronnintsi rikakun. Ashmayninta lapan munashqanta patrón ruratsishqannömi jutsa ruraypis patronnintsi kar munashqanta ruratsimantsi. Tsayno kawarqa castigashqami kashun. Patronnintsi Tayta Dios kaptinmi itsanqa salvacionta chaskintsi.

Nawpataqa qamkunapapis jutsa ruraylami patronniki karqan. Kananqa Jesucristupa wilakuyninta lapan shonquykiwan chaskikushqa karmi Jesucristupa munayninchöna karkaykanki. Tsaymi Tayta Diosta agradëcikü. Jutsa ruraypa munayninpita jorqushqana karmi Tayta Dios munashqanta ruralarna kawarkaykanki.