Populære bibelvers fra MAHTE 27

Del

Ahkying jahku e daram Yesu gaw nsen kaba hte, Elo-i, Elo-i lema sabakhtani? nga nna jahtau wu ai: dai gaw, Nye a Karai Wa e, nye a Karai Wa e, hpa rai nang ngai hpe kau da nga n ta? nga ai, rai lu ai.

Shaloi, yu mu, nawku Htingnu na nba grang ntsa de nna hkren, ka-ang brang ga mat ai; ginding aga mung ashun awam wa nna, lunghkrung ni ga mat wa ma ai; lup ni mung hpaw mahka wa nna, dai hta e yup nga ai chyoi pra ai ni a hkum tsawp law law wa rawt wa nna

Bai Yesu gaw nsen kaba wa hte jahtau let, shi a wenyi jahti mat lu ai.

Ya hpyen latsa up ai bu hte shi hte rau Yesu hpe sin nga ai ni, dai nnang nawn hte byin mabyin ni hpe mu mu yang shanhte hkrit kahpra nna, Gaja wa, ndai wa gaw Karai Kasang a Kasha nan rai nga ai, nga ma ai.

Ya, ahkying kru kaw nna, ahkying jahku du hkra, mung ting hta e nsin chyip rai mat ai.

Bai Pilat gaw, Dai rai yang gaw, Hkristu ngu ai Yesu hpe ngai kaning di na we ta? ngu nna shanhte hpe tsun mu ai. Shanhte nlang, Wudang hta jen da u ga, ngu mu ai. Bai shi gaw, Shing rai taw gaw, shi n hkru ai, hpa wa galaw hkrup sata? ngu mu ai. Shanhte chyawm gaw, Wudang hta jen da u ga, nga nna grau jahtau bu ma ai.