Populære bibelvers fra COLOSENSES 2

Del

Qankunaqa, Jesucristota Tataykichistajina jinataq wasiyuqniykichismantam jap'iqapunkichis, chayraykum imayna kawsakunaykichistachus payqa munan ajinamanjina puriykachanaykichis. Imaynatachus yachaqachkarqankichis ajinamanjina, payman sapa kuti astawan qayllaykukuychis, astawan allin kanaykichispaqtaq yachachisqankunata uyarispa kawsakuychis, Diosmantaq yuspärayta quychispuni.

Qhawaqarikuychis: Ama sallqaykuchikuychischu pikunachus llulla yachachiykunata apamuchkanku chaykunawanqa, imaraykuchus paykunaqa manam Cristopaq yachachiyninkunata apamuchkankuchu, manachayqa runakunapaq jinataq kaypachapi kallpayuq ajayukunapaq yuwayninkunallatam apakumuchkanku.

Ñawpaqpachakunapi qankunaqa juchaykichisrayku ajayuniqpi wañusqam karqankichis, jinaspataq manam Diospaq llaqtanman jap'iqasqachu karqankichis. Chaywampas kunanqa Cristowan kuskam Diosqa kawsayta qupusunkichis, jinaspataq tukuy juchaykichiskunamantam pampachapusunkichis. Qilqasqa kamachiyqa nuqanchisman tumpaykuqmi karqan, chaywampas Diosmi Cristopaq chakanapi wañusqanwan chayta tukuchipun.

Imachus Dios kachkan chayqa Cristopim rikukun, jinaspataq payqa tukuy pi ajayukunachus kallpayuq jinataq atiyniyuq kachkanku chaykunajawapi tiyaykusqam. Qankunamanqa manam imapas pist'achkasunkichischu, imaraykuchus Cristoman ujchasqam kankichis.

Chayrayku, imatachus mikhunkichis, imatachus ujyankichis chaykunamantaqa manam pipas qankunaman juch'uychasunkichismanchu, jinallataq imamantataq raymikunatapas mana ruwankichis, wawa killa p'unchaykunata jinataq samarana p'unchaykunatapas mana allimpi qhawankichischu nispaqa manam pipas nisunkichismanchu. Tukuy kaykunaqa uj jamunan karqan chay llanthujinallam kachkan, chaywampas Cristom imachus chiqampi junt'akuchkanqa chayqa.