Populære bibelvers fra 2 TESALONICENSES 2

Del

Amapuni piwampas sallqaykuchikuychischu. Imaraykuchus Diosman kutkatakuq runakuna manaraq kachkanqa jinataq chay saqra runa manaraq uqharikumuchkanqa chhikankamaqa, manaraqmi Tata Jesuspaq kutimuynin p'unchay chayamuchkanqachu.

Chaywampas Apu Tatapaq munakusqan wawqipanakuna, nuqaykuqa qankunarayku Diosman yuspäranaykupunim. Imaraykuchus Diosmi qankunapaq Ajayuniqta ñawpaqkaq qhispichiy jap'iqaqkuna kanaykichispaq ajllikusunkichis, mayqin Ajayuchus ch'uwa kawsayniyuqta chiqan kachkan chay iyaw nisqaykichisrayku tukuchisunkichis chayniqta.

Kay runam Diospaq chhiqnikuqnin jinataq tukuy Diosman jaywasqa kachkan chay mana munaqqa. Diospaq wasintimpim tiyaykukunqa jinaspataq pay kikinmi nuqam Dios kani nispa ninqa.

Dios Tatanchisqa munakuqmi; chayraykum munakuwanchis, wiñay sunquchayta quwanchis jinataq qhispichiy jap'iqananchistam quwanchis. Payman jinataq Tatanchis Jesucristomanmi kayta mañarikuni: payqa qankunaman sunqucharichun jinataq kallpacharichun, ajinamanta imachus allin kachkan chayllata ruwanaykichispaq jinataq rimanaykichispaq.

Chayraykum Diosqa paykunapaq pantachiywan sallqaykuchikunankuta jinataq imachus llulla kachkan chaypi iyaw ninankupaq saqin.

Chay saqra runaqa Supaypaq yanapayninwanmi jamunqa; ancha atiyniyuq, llulla musphay ruwaykunawan jinataq rikuchiykunawanmi chayamunqa. Jinaspataq imaymana llulla ruwaykunawanmi pikunachus juchanchasqa kachkanqaku chaykunaman sallqaykunqa, imaraykuchus paykunaqa manam qhispichiy jap'iqayta jinataq imachus chiqan kachkan chay munakuyta munachkarqankuchu.

Imaraykuchus pakapi kaq saqra ruwaynimpaq yuwayninqa jamuchkanñam; pichus kunan jark'aykuchkan chaypaq jithirinallantam suyachkan.