Populære bibelvers fra Mɑtʉ̈ɔ 24

Del

Mɛnu kɛpɔŋ kẅiꞋ ńzɑ́ɑ, tɛ ŋ́ɡɛ ŋɡɔ nɛzɑ́ɑ pʉɔ pɔɔ pɛn ŋ́kɔŋ Sɛ́ tɛ ŋ́kɔŋ pɔ́. Lɑ́, ŋu ẅí ɑ ɛ́sʉk sʉknɛ kɛ́ kɑɑ ɡʉnɛ ŋ́ɡɛ ńduk.

Ɛ́ píkŋɛ ŋɡɔ Pɛ́ lɑ́Ꞌ ńcẅi wɔ Ŋkʉʉ sʉ́Ꞌnɛ-nu-nɛfɔɔ-Sɛ́ mbɑ ɡɔ́ lɑ́ ndǔ tsɛ́tsɑ́Ꞌ, nɛpɔ́ yi mɛlɑ́Ꞌ mɛlɑ́Ꞌ tsʉʉ ɡʉ ńzúꞋ, lɑ píi mbí ɡɔ́ɔ ŋ́kɛ́ ḿmɛ.

Pʉʉ ɡʉ ńdɑ́Ꞌ zúꞋu pɛ́ pɔ́ ńcú nu nǔu mɛntsɔ mi ɛ́ cẅɛtnɛ nǔu wʉ́ʉ shʉ́ kɛ ŋɡɑ sɛsɑ ɔɔ, lɑ́ kɔɔ pʉʉ kɛ́ ńdɑ́Ꞌ ńcʉ̈ɔꞋ. Ɛ́ sɛ́ ḿbíkŋɛ ŋɡɔ yîyɑ́ yúu piitɛ ńdɛɛtɛ, lɑ́ ɛ́ pɔɔ ɡɔ́ɔ ńdɔk ḿbɔ́ ŋɡɔ píi mbí mɛ pɔ́.

Lɑ́Ꞌ ɡʉ ńdɑ́Ꞌ ńdɔ sɛ́, ńdʉ̈ɔ́Ꞌ yɛcɔ́, fɔɔtúu lɔ sɛ́, ńdʉ̈ɔ́Ꞌ wɛcɔ́, tsɛ́tsɑ́Ꞌ ɡʉ ńdɑ́Ꞌ ḿbuu tsʉ́Ꞌnɛ nǔu mɛzʉꞋ tɛ ńzɑ́ɑ, cʉ́ pɛn ḿvu nǔu mɛzʉꞋ tɛ ńzɑ́ɑ. Mɔnɛ mɛnu ɡʉ ńdɑ́Ꞌ ńdɔk ḿbɔ́ pɑ́Ꞌ mɑŋɡɛ́ ẅi ɑ zɛnɛ nɛnɛ́mɛ lɑ́.

Nɛpú pɔ́p tsɛ́tsɑ́Ꞌ ɡʉ ŋ́ɡɛ ḿmɛ lɑ́ sẅiŋɛ yɑ́ɑ lɑ́Ꞌ mbɔɔ pɛ́.

MbíꞋŋɡɔ pʉɔ tɛ ńzɑ́ɑ ɡʉ ŋ́ɡɛ tík lík yɑ́ɑ mbi, mbɑ wɔ̌ lɑ́ nǔu pɔ́p pɔ́ cú ŋɡɔ: «A Nzɑ́Ꞌŋkʉ, ńcú pɔ́Ꞌɔ ńdɔk fu pʉɔ tɛ ńzɑ́ɑ.»

Pɛ́ ɡẅɛɛ wʉ́ʉ ŋ́ɡɑ́ pɛ́ nyɛt wʉ́ʉ nɛ́ ŋɡʉ̈ɔ́Ꞌ, ŋ́ɡɛ pɛ́ jẅí wʉ́ʉ. Mɛlɑ́Ꞌ tsʉʉ ɡʉ ńdɑ́Ꞌ ḿbuu ḿbɑɑ wʉ́ʉ mɛlɑ́Ꞌ wɑ́ɑ. Ɛ́ ɡʉ ńdɑ́Ꞌ ḿbɔ́ pɔ́nɛ tɛ pʉɔ tɛ ńzɑ́ɑ tsɛtsɛt pʉʉ pɔɔ pɛn ńzɑ́p tʉ́m nǔu mɔ pɔ́, pɔ́p shɔtnɛ ɛ́fɛn mɛmbʉʉ mɔ́p, ɛ́shɔtnɛ ḿbɑɑ mɛmbʉʉ mɔ́p. Pɛŋɡɛ́mndʉ̈ɔ́Ꞌ-Sɛ́ pɛ́ cɔtnu cẅɛt tɛ ńzɑ́ɑ, ɛ́fúklɛ nɛzɑ́ɑ pʉɔ.

Yɛ́su pʉ̈ɔt mbɔ̌ pɔ́p ŋɡɔ: «Pʉʉ lɑk tú yʉ́ʉ, ḿbɑ́ɑ ŋu nɛfʉ́klɛ wʉ́ʉ.»

Ɛ́ Pɔ́Ꞌɔ lɑ́, mbɑ pʉʉ yʉ́ʉ, pʉʉ niitɛ mbʉʉ yʉʉ ḿbyɛ́p, mbíꞋŋɡɔ Mɔ́ɔ-Ŋu ɡʉ ŋ́ɡɛ ńtɔ́ ŋkɑ́ yi pʉʉ ḿbyɛ́p pɔ́.

Ɛ́ yɛ́tɛ́ lɑ́ pʉʉ pɑ́ɑ nɛmɛꞋ ku, mbíꞌŋɡɔ pʉʉ kɑ́ pɔ́ ńjí lɛ́Ꞌ yi Tsɑpʉɔ wʉʉ ɡʉ ńtɔ́ pɔ́.

Lɑ́, ɛ́ kɛ́ ŋ́ɡʉ nǔu lɛ́Ꞌ ɛ̂yɑ́, pɔ ŋkɑ́ yi mɔnɛ mɛnu ɡʉ ŋ́ɡɛ ḿbɔ́ ńdɛɛ, mbɑ sɑ̌ɑ ŋu kɛ́ jí tɛ mbɑ pɛcʉ̈ɔ́Ꞌ-Sɛ́ pi pɔ́p tʉ́nɛ́pú, tɛ mbɑ mɔ́ɔ-Sɛ́, ndɑꞋ Tɑ̌ɑ zɛnɛjʉ́ jínɛ.

mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Mɔ́ɔ-Ŋu ɡʉ ńdɑ́Ꞌ ŋ́ɡɔ ńtɔ́, mɛnu mí ɛ́ kɑ ɡɛnɛ ŋkɑ́ Nɔwɛ pɛn ŋ́ɡɛ. Ŋki kɑ ɡɔ ŋ́kɔ́Ꞌ ńjʉ́ zʉꞋ, pʉɔmɛsɔŋ pɔ́ ŋ́kwɛ́t yúu, ḿbɔ́ ńnɔ́ mɛluꞋ, ḿbɔ́ ńdɑ́ɑ ndɑ́, ŋ́ɡɑ́ pɔ́ɔ pɔ́p lɑ́ɑndɑ́, tɛ ŋ́kúu lɛ́Ꞌ yi Nɔwɛ kɑ kúunɛ tsɛt pɑ́ŋ, lɑ́Ꞌ zɛɛ ḿbɔɔ ḿbɔ́ ḿmʉk yɛcɔ́ nu pɔ́, tɛ ŋki ɡɛ ŋ́kɔ́Ꞌ, ḿbuu ḿbík wɔ́p pɛtsʉʉ. Mɔ́ɔ-Ŋu ɡʉ ńdɑ́Ꞌ ŋ́ɡɔ ńtɔ́ ɛ́ pɛn ḿbɔ́ pɔ pɔ́Ꞌɔ.