Populære bibelvers fra Mɑtʉ̈ɔ 16

Del

Yɛ́su pɛn ńcú mbɔ̌ ɡɑŋku pɛ́ ŋɡɔ: Ŋu lɑɑ ŋ́ɡʉ ḿbɔ́ wɑ́ɑ ŋu, ɑ ɡwɑ́k túmbʉʉ yɛ́, ńtíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ ńcʉ́ɔ nzʉʉ mɔ.

Ŋ ɡʉ ŋ́kɛ́ ḿbɛn ɛ́sẅíi wú, kwɑꞋ nɛ́nẅín, ŋɡɔ: «Ɔ Pyɛ̂, ńdɔk ńcú ŋɡɔ ŋɡɔꞋ, ŋ ɡʉ ŋ́ɡɛ ńtík cúꞋlɛ-pʉɔ pɑ́ɑ ndǔ ŋɡɔꞋ ɛ̂yɑ́. Tɛ mbɑ nɛvú pɔɔ lɑ́Ꞌ ŋ́kuꞋ nɛnʉꞋnɛ yîyɑ́ cúꞋlɛ pɔ́.

Ŋ ɡʉ ŋ́ɡɛ ŋ́ɡɑ́ mɛtsɔ́Ꞌ nɛlɔk ńtsɔ́Ꞌ ndúŋ-nɛfɔɔ-Sɛ́ mbɔ̌ wu. Yúu mi ɔ ɡʉ ŋ́ɡɛ ńdʉꞋnɛ ndǔ tsɛ́tsɑ́Ꞌ, pɛ́ ɡʉ ńdʉꞋ tʉ́nɛ́pú. Yúu mi ɔ ɡʉ ḿbɛ́m ndǔ tsɛ́tsɑ́Ꞌ pɛ́ ɡʉ ŋ́ɡɛ ḿbɛ́m tʉ́nɛ́pú.»

Ŋu ẅí ɑ ɡʉ ńzɛɛ ńdɔɔ nɛpɑ́ɑ yɛ́ luk, pɔ́nɛ ŋu ẅí ɑ ɡʉ ḿbɛ́ yɛ luk ɛ̂yɑ́. Lɑ́ ŋu ẅí ɑ ḿbɛ́ wɛ luk mbíꞋ wɑ́ɑ, ẅîwɑ́ ŋu ɡʉ ńdɑ́Ꞌ ḿbɔ́ pɔ́ ɡú.

Pɛ́ lɑɑ ńzɛɛ ńtíi mbí yɔ tsʉʉ ŋ́ɡɑ́ mbɔ̌ ŋu, lɑ́ kɛ́ ḿbɔ́ yi ɛ́ ɡʉ ńdɔk pɔ́p tú yɛ́ pɔ́, mbɔ ɡʉ cẅɛ́lɛ́ wɛ́ nǔu kʉ̈ɔ́? A lɑɑ ḿbɔ́ ŋu lɔk kʉ̈ɔ́ ńdɔk ŋ́kúpmɛ tú wɛ́?

Yɛ́su píkŋɛ wɔ́p ŋɡɔ: «KwɑꞋ pʉʉ yʉ́ʉ cú ŋɡɔ mɔ wɔ̌?» Símɔ Pyɛ̂ pʉ̈ɔt ŋɡɔ: «Ɔ Nzɑ́Ꞌŋkʉ, mɔ́ɔ-Sɛ́ ẅi ɑ ɡú.»

Yɛ́su ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Símɔ mɔ́ɔ-Jɑ̂ŋ, ɔ pɔ́ttú, mbíꞌŋɡɔ ŋumɛsɔŋ kɑ́ nɛ ɡɛ, lɑ́ ɔ jí yɔ nu nɛ́nẅín pɔ́. Tɑ̌ɑ mɔ ẅí ɑ tʉ́nɛ́pú nyɛtnɛ wú.»