Populære bibelvers fra Римлянэнгэ 5

Del

нэ Дэвэ́л допхэнэ́ла Пэ́скирэ ласкаса кэ амэ, со Христо́со мыя́ пал амэ́ндэ, ке́ли амэ ишчо (инкэ́) са́мас грэхи́тка.

И амари́ наде́я на подлыджала амэн, пал-дова́ со Дэвлэ́скири ла́ска пир Свэ́нто Ду́хо (Фа́но) пхэрдякирдя́ амарэ́ илэ ласкаса, сави́ дыны́ амэ́нгэ

Нэ на дрэ екх дава́ исын амари́ ра́дыма, а амэ адя́кэ-паць радынасапэ дрэ амарэ́ пхарипэна, пал-дова́ со амэ джина́са, со пир пхарипэ́н барьёла амаро́ вырикирибэн. Пир вырикирибэн амэ ячасапэ твардэдыр дро характеро, а характеро дурэды́р дэ́ла наде́я.

И пал-дова́ со амэн приґалынэ пал чачунэндэ пир патяибэ́н, амэ́ндэ исын рама́нё (миро) Дэвлэ́са пир амарэ́ Растэ-Дэвлэ́стэ, Исусо́стэ Христосо́стэ, пир Савэ́стэ амэ сам домэкнэ пир патяибэ́н кэ дава́ бахтякирибэ́н, дрэ саво́ амэ какана́ дживаса, и амэ радынасапэ, со амэ́ндэ исын наде́я пэ Дэвлэ́скири сла́ва.

пал-дова́ со Христо́со, ке́ли амэ са́мас грэхи́тка, дро часо, Саво́ Дэвэ́л упхэндя, мыя́ пал надэвлытконэндэ.

Палдава́ какана́, ке́ли амэ сам приджиндлэ чачунэнца Лэ́скирэ ратэ́са, амэ буты́р патя́са дрэ дова́, со амэ зракхасапэ пир Лэ́стэ Дэвлэ́скирэ холя́тыр.

Пал-дова́ со, сыр пал екхэ манушэ́скиро накандыпэн кэрдэ́пэ бут мануша́ грэхитконэнца, адя́кэ-паць и пал Екхэ Манушэ́скиро кандыпэн бут мануша́ ячэ́напэ чачунэнца.

И на екх дава́, нэ амэ и радынасапэ пир амарэ́ Растэ-Дэвлэ́стэ, Исусо́стэ Христосо́стэ, пир Савэ́стэ амэ дорэсцям (долыям) какана́ рама́нё Дэвлэ́са.