Populære bibelvers fra Матфеё 1

Del

ёй биянэ́ла Чхавэ́с, ту дэ́са Лэ́скэ лав Ису́со, пал-дова́ со Ёв зракхэ́ла Пэ́скирэ манушэ́н грэхэ́ндыр.”

“Акэ, патывалы́ тэрны́ джувлы́ явэ́ла пхари́, и биянэ́ла Чхавэ́с, и Лэ́скиро лав явэ́ла Эмануило” (со значынэ́ла: “Дэвэ́л исын амэ́нца”).

Нэ сыр ёв подуминдя дава́, Дэвлэ́скиро Янго́ло явдя́ кэ ёв дрэ сунэ́ и пхэндя́: “Ёзэ, Давидо́скиро чхаво́, на андырша тэ прилэс Мари́я сыр ромня́, пал-дова́ со Кодова́, Савэс ёй биянэ́ла, исын Свэнтонэ́ Духо́стыр (Фаностыр)

Адя́кэ, сыр Ису́со Христо́со бия́ндыя: пало́ (после) доракирибэ́н тэ лэнпэ, сыр Лэ́скирэ да́кэ Мариякэ трэиндя́ тэ выджа́л палоро́м пал Ёзастэ, нэ анги́л, сыр лэ́нгэ тэ зджанпэ (тэ лэнпэ), выгия́, со Ёй сыс пхари́ Свэнтонэ́ Духо́стыр (Фаностыр). А Ёза (Иосифо), ром Ла́киро, сыс патывало ману́ш и на камдя́ тэ ладжакирэл Ла, и камдя́ чораханэ́с тэ отмэкэ́л Ла.