Populære bibelvers fra Иа́но 14

Del

Мэ ячкирава рама́нё (миро) тумэ́нгэ, Миро рама́нё Мэ да́ва тумэ́нгэ: нэ на адя́кэ, сыр свэ́то дэ́ла, Мэ да́ва тумэ́нгэ, и мэк тэ на страхадёл тумаро́ ило́, и тэ на дарэл.

Ису́со пхэндя́ лэ́скэ: “Мэ сом дром и чачипэ́н и джиибэ́н; нико́н на явэ́ла кэ Дад, сыр екх пир Ма́ндэ.

“Мэк ило́ тумаро́ тэ на страхадёл; патя́н дрэ Дэвлэ́стэ и патя́н дрэ Ма́ндэ.

Обрадыпнаскиро, Саво́ исын Ду́хо (Фа́но) Свэ́нто, Саво́ бичхавэ́ла Дад ваш Миро лав, высыклякирэла тумэн сарэскэ и саро́ чхувэ́ла дрэ тумари́ годы́, пал со Мэ ракирдём тумэ́нгэ.

Одова́, конэ́стэ исын Мирэ́ припхэныбэна́, и кон ракхэ́ла лэн, одова́ рикирэ́ла Ман сыр Дро́гима дро ило́, и Дад Миро сыкавэ́ла паты́в лэ́скэ, и Мэ адя́кэ-паць ява́ва тэ сыкавав паты́в лэ́скэ, и Мэ сыкадёвава Кокоро́ Пэс лэ́скэ.”

И Мэ помангава Дадэ́с, и Ёв дэ́ла тумэ́нгэ явирэ Обрадыпна́скирэс (Утешытелёс), саво́ ўса́ды (сак) явэ́ла тумэ́нца; дава́ исын Ду́хо (Фа́но) чачипна́скиро, Савэс свэ́то нашты́ тэ прилэл, пал-дова́ со ёв на дыкхэ́ла Лэс и на джинэ́ла; нэ тумэ́ Лэс джинэ́на, пал-дова́ со Ёв исын тумэ́нца и явэ́ла дрэ тумэ́ндэ.

И со тумэ́ тэ на помангэн Дадэ́стыр Мирэ́ лавэ́стыр, Мэ саро́ кэра́ва дова́, и Дад сыкавэ́ла Пэ́скири сла́ва пир Чхавэ́стэ. Ко́ли со тэ на́ мангэн Мирэ́ лавэ́стыр, Мэ дова́ кэра́ва.

Ко́ли тумэ́ рикирэ́на Ман сыр Дро́гима дро ило́, то кэрэ́н дова́, со Мэ припхэндём тумэ́нгэ.

Дрэ Мирэ́-Дадэ́скиро кхэр исын бут штэ́ты; нэ ко́ли тэ на явэ́л адя́кэ, Мэ пхэнавас тумэ́нгэ: Мэ джа́ва тэ кэдав штэ́то тумэ́нгэ?”

И ке́ли Мэ джа́ва и кэдава штэ́то тумэ́нгэ, Мэ ява́ва нэвэ́стыр и лава́ тумэн кэ Пэ; соб (кай) и тумэ́ тэ явэ́н одо́й, кай Мэ ява́ва.

Фама пхэндя́ Лэ́скэ: “Раё Дэ́вла! Амэ на джина́са, карик Ту джа́са; сыр амэ могинаса тэ джинас дром одори́к?”