Populære bibelvers fra Danijéljo 6

Del

O Danijéljo, xači, ĥalyí, so sys podčhindlo dasavo zaphenyben, gijá dro péskiro kher; e fenštra, xaj, dre upratuny štúba sys psirady (otphendly) angíl Jerusalimo, i jov trin móly dro dyvés bandgiakirdia čangá, i mangdiápe péskire Devléske, i bahtiakirelas Les, syr kerélas jov davá i angíl dová.

O Devél miro bičhadiá Péskires Jangolós i zagaradia ščerengiro muj, i jone ničí na kerdé mánge, paldavá i me som angíl Léste žužó, i angíl túte, králjo, me na keravas namištes.”

Mándyr délape priphenybén, sob (kaj) dre kažno rig miré kralipnaskiri, manušá te izdran i te den patýv ke dar angíl Danijeljoskire Devléste, pal-dová so Jov isyn Devél džidó i viéčno, o Kralipén Léskiro na pharadjola, i Léskire rajkanypnaskiro kralipén – pe saré viéki. Jov zrakhéla i podela vast bidatyr, keréla znamiénii (ĥiertyká) i dívy pe bolybén, i pe phuv; Jov zrakhciá Danijeljos ščerengire zorjátyr.”

Adiáke, o králi priphendiá, i jandlé Danijeljos, i čhurdyné les dro ščerengiro rovo (xohói); pašýl o králi phendiá Danijeljoske: “Tyró Devél, Savéske tu san naparundlo dynári, Jov tut zrakhéla!”