Populære bibelvers fra Marku 2

Del

Er Yesu ungwa nahan yô, A kaa a ve er: Ka mbadedoo kwagh a gbe ve a ortwer ga, saa mba angev mbu ker ve la tseegh. Mo M va sha u Me yila mbaperapera ga, kpa ka mbaasorabo.

Yesu nengen jighjigh ve u nan yô, A kaa a or u kpen alegh la er: Wan, i de u asorabo a ou.

Nahan A kaa a ve er: I er iyange i memen sha ci u or, i er or sha ci u iyange i memen ga.

Mba fetyô u aren hen Na ga sha ci u ikpelaior yô, ve bugh ian sha uha henpe A lu la; mba bughun kera yô, ve sen a gambe u or u kpen alegh yav sha mi la.

Kpa sha u ne fa er Wan u or A lu a tahav mbu den ior asorabo sha won yô, A kaa a or u kpen alegh la er: M ngu kaan a we, mough sha, tôô gambe wou, yem hen ya wou.

Ka nyi i hembe lun uwer ga, u ma i kaa a or u kpen alegh ne er: I de u asorabo a ou; shin u ma i kaa er: Mough, tôô gambe wou, zende ase?

Tsô a mough, a tôô gambe na fese je, a due sha ashe ve cii; nahan ve cii, kondo ve iyol, ve gba civir Aôndo kaan er: Mayange se mba a nenge imbakwagh ne ga.