Populære bibelvers fra Mateu 28

Del

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi. Tesen nen ve u kuran akaa a M we ne kwagh sha mi cii; nenge, Me luun a ven ayange ayange zan zan mkurtar je.

Tsô Yesu va va ôr kwagh a ve, kaa er: Tahav mbu Sha man mbu sha won cii i wam sha ikev.

Kpa ortyom u Sha la gema kaa a kasev mbala er: De cie nen ga, gadia m fa ka Yesu u i mande Un sha terankon la ne keren ye. Ngu heen ga, A nder er lu kaa nahan; va, va nenge nen ijiir her ape A yav yô.

Tsô Yesu kaa a ve er: De cie nen ga, za za kaa nen anmgbianev Av, ve̱ za Galilia, ka keela ve a za nenge a Mo ye.

Man er ve kohol imôngo a mbatamen, ve hen kwagh yô, ve na mbautyav mbala inyaregh kpishi, ve kaa er: Kaan nen ner: Mbahenen Nav va tugh va ii Un shighe u se lu yaven yô. Man aluer kwagh ne una gba gomna ken ato yô, se se ôr, tsô á kuma un, kwagh á kera er ne ga. Tsô ve ngohol inyaregh kila, ve er kwagh u i tam i we ve yô. Mkaanem man samber hen Mbayuda zan zan ar hen iyange ne.