Awelha atyeng! Atha angka mwerr ngkweng iletyek. Ntwa Akngey ayernetyek ingkerrenhek-antey. Ntwa akalty-antherl-ayntetyek angka Akngey-kenh, iylparrernetyek renh-rnem arraty-angkwarr anetyek wenh. Nga apek atyeng awelhenty, Akngey ngkweng-itwek anayntetyek. Artwa mwerr-rnemant rlwana, artwa mwerr Akngeyek awelhem-rnemant. Rernem irrtywerrey-angenh man inetyek, arrangkw. Rernem arraty innga-rnemant ankety-weny. Renh-rnem atyetyart arrerna ingkerrenhek, rernem ingwer-rnem arntarnt-arayntetyek, arlwarey 10-ek apek, 50-ek apek, 100-ek apek, 1000-ek apek.