Populære bibelvers fra Exodus 14

Del

Arternpant anetyek. INGKARTel Egypt-areny-rnem ingkerrenh atweyenh.”

Moses angkek, “Kel mwerr! Aterirrey-angenh! Rlterrk anenherr-arey! INGKARTek anwantherr nhenhel mpwelhey, rarl anwenhantherr ingkerrenh arntarnt-aremarl. Anwantherr Egypt-areny-rnem arrer-anem arnareyel, nhepenhan anwantherr renh-rnem areyang-anem.

Irretety irrwerlela, irrertetyel kwaty-warl alhel-ara. Kwaty amentant-atherr irretyek, ampepan ahern artwerretyarl ayntetyek, arrantherr alhetyek ikwer-angkwarr.

Rernem iterl-arek, INGKARTelarl renh-rnem arntarnt-arenh arawerrng rlterrkel. Akater-anem rernem rtnenherrenh, angkerrenh-anem, “Innga INGKART ra rlterrk ilkwakert. Anwantherr ingkerrenhel renh iterl-arayntetyek, rarl anwenhantherr arntarnt-arek Egypt-areny-rnem-kety. Anwantherr Moses renh apent-ayntey, INGKARTel innga renh atyetyart arrernek anwekantherr.”