Populære bibelvers fra Suku-saakị 27

Del

Yee Tamụnọ So-ḅio ḅẹ igirigi mẹ ḅụ ye kẹ ị́ pịrị, pịkị kiri mẹ ḅẹ ḅẹlẹkị mẹ na ḅụ, tẹ tọnwa ḅara kẹ mgbọlụ na, iru na kẹ ị́ pịrịị. Yee tomi-kụlọkụlọ fịrịmẹnjị ị́ pịrị, tẹ sịẹ-sịẹ sịḅị-tuu ị́ pịrị. Ḅẹrẹtọn í owiapụ-amịnapụ pịrịị, tẹ yee í iyingi owiapụ-awọmẹ sịḅị-tuu ị́ pịrị. Wori-nume sime kẹ ḅẹḅọ-ḅẹḅọ tẹ í woriḅọ-woriḅọ pịrịị, anịsakị boma sime kẹ ḅẹḅọ-ḅẹḅọ tẹ í bomaḅọ-bomaḅọ pịrịị!”

Ịsọ nwẹnị gbela, “Ịn kura ḅara kẹ Jekọbụ kẹ sịn ḅọ ḅe ori-a? Kẹ gotẹ ọkọ ḅẹẹarị, mịna maa asakị ma ọ̀ nwẹn kẹ oḅori kẹ ị̀ sịn tẹ. Ori ì omongi-kiri ọkịm anịsakị ḍikii, mịọkụ ọ̀ pịkị ị̀ boma ọkị so tẹẹ.” Anịtẹso ọ̀ nwẹnị ḅẹẹ, “Gbọrụ boma kịngẹ sọ ị́ wẹrị ị̀ pịrị-a mọ?”

Anịtẹso ọ̀ ḍa Ayịzịkị nwẹnị ọ̀ pakịrị, “Ḍikii ị́ kẹ anga ḅẹ ye, kiri mẹ ḅẹ ḅẹlẹkị ḅụ ḅo ḅịa, pịkị So-ḅio gele yọ ḅụ ḅo igirigi sọ ḅịa.” “Í okologie ḅụ mie í ḍumo ḅarị ye, anịsakị ị́ fịrịmẹnjị í iyimbere pịrị ḅa; kụma ị́ ‘à ḅarị ḍụkụ ḅịa’ ḅẹẹ sakị, ọ̀ kẹ ị́ kọngọ sụa ikuye mẹ, ị́ anị anyịma siin ḅa.”

Ịsọ nwẹnị ọ̀ ḍa ḅẹẹ, “Gbọrụ boma kịngẹ sọ í nyana-a mọ, ị̀ ḍa? Ì bomaa, yẹrị sọ bomaa, yei ị̀ ḍa,” Tẹ Ịsọ nwẹnị ọ̀ pọkọ saakị tẹ tẹmẹ-la ḅara kẹ owu.