Populære bibelvers fra रोमी 5

Del

दिलेया परमेश्‍वरजी खीए म्हाँया ङ्योए फिर कति ल्हें मुँ बिसि छले उँइँइँमुँ, ङ्यो पापि मुँमन् ङ्योए पाप त्होमिंबर येशू ख्रीष्‍ट सिमिंइ!

ङ्योइ थेंबै आशार ङ्यो सैं च्योंब तल् आपिं, तलेबिस्याँ परमेश्‍वरजी खीए पबित्र प्ल्ह ङ्योलाइ पिंइमुँ, छतसि परमेश्‍वरजी ङ्योए फिर बेल्‍ले म्हाँया लइमुँ बिसि पबित्र प्ल्हजी ङ्योए सैं न्‍होंर छेनाले सेल् पिंम्।

च्‍हौ मत्‍त्रे आङिं, दुःख तलेया ङ्यो सैं तोंम्, तलेबिस्याँ दुःख तस्‍याँ ङ्योइ दुःख सैदिबै भों योंम् बिब ङ्योइ सेम्। छलेन दुःख सैदिबै भोंइ ङ्योए बिश्‍वास भोंब तमुँ, बिश्‍वासर भोंबइले ङ्योइ आशा योंल् खाँम्।

ङ्योइ बिश्‍वास लबइले परमेश्‍वरए उँइँरि ठिक ठर्दिसि प्रभु येशू ख्रीष्‍टउँइँले ङ्यो परमेश्‍वरने क्ह्रिल् योंइमुँ। खीए फिर बिश्‍वास लबइले ङ्योइ खीए दयाम्हाँया योंइमुँ। परमेश्‍वरए दयाम्हाँया तोगो ङ्योइ योंइमुँ, छतसि ङ्योइ परमेश्‍वरए चारबै ह्‍वे योंम् बिबै आशा थेंसि ङ्यो सैं तोंम्।

तलेबिस्याँ मुक्‍ति योंबर ङ्योइ तोइ लल् आखाँमै या ख्रीष्‍ट ह्रोंसन् युसि पापिमैंए पाप त्होमिंबर ठिक त्हेर सिमिंइ।

छतसि ङ्योए पापए ल्हागिर येशू ख्रो तसि सिमिंबइले ङ्यो परमेश्‍वरए उँइँर ठिक ठर्दिइमुँ। छतसि परमेश्‍वरए ह्रिसउँइँले येशूजी ङ्योलाइ जोगेमिंब्मुँ।

खैले म्हि घ्रिइ परमेश्‍वरए ताँ आङिंसि ताँन् म्‍हिमैं पापि तइ, छलेन येशू ख्रीष्‍टजी परमेश्‍वरजी बिब् ङिंबइले ल्हें म्‍हिमैं परमेश्‍वरए उँइँरि ठिक ठर्दिल् योंब्‍मुँ।

च्‍हौ मत्‍त्रे आङिं, येशू ख्रीष्‍टउँइँले ङ्यो परमेश्‍वरर सैं तोंरिइमुँ, तलेबिस्याँ येशू ख्रीष्‍टउँइँले ङ्यो परमेश्‍वरए म्हिमैं तल् योंइमुँ।