Populære bibelvers fra गलाती 5

Del

दिलेया पबित्र प्ल्हए रोमैं छाब् ग: आगुए फिर म्हाँया खब, सैं तोंब, शान्ति तब, सैदिल् खाँब आगुए फिर ल्हयो खब, अरूमैंल छ्याँब तरिगे ङ्हाँब, लम् बिबै के पूरा लब, कुरल् खाँब, आछ्याँबै केमैं आल बिसि सैं फैल् खाँब। चु ताँन् पबित्र प्ल्हए रोमैं ग। छाबै रोमैं मुँबै म्हिमैंए ल्हागिर ठिम आचैदि।

धबै ङ क्हेमैंने बिमुँ: पबित्र प्ल्हजी बिब् धोंले प्रद्, ह्रोंसए सैंउँइँले खबै आछ्याँबै ताँमैंए लिलि आप्रद्।

पबित्र प्ल्हउँइँले ङ्योइ छ्ह योंसेरो ङ्यो खीजी बिब् धोंलेन् प्रले।

येशू ख्रीष्‍टए म्हिमैंइ खेंमैंए सैंउँइँले खबै आछ्याँबै इच्छामैं नेरो आछ्याँबै केमैं येशूने प्रेन् क्रूसर च्योवासि नास लवाइमु।

ह्रोंसए सैंउँइँले खबै आछ्याँबै केमैं छेनाले म्रोंल् खाँम्। च केमैं चुमैंन् ग: ब्यभिचार लब, आछ्याँबै सैं मैंब, फापिन् तबै केमैं लब, कु पूजा लब, मन्‍त्र-तन्‍त्र लब, आगुए न्होह्रों लब, प्होंगि कैगि लब, आगुए फिर ह्रिस लब, आगुल छ्याँब तरिगे आङ्हाँब, आक्ह्रिल् लब, आक्ह्रिसि टोलि-टोलि तब, आगुए सैमैं म्रोंसि ह्रिस लब, प्हा ल्‍हें थुँब, सयल लप्रब, छाबै केमैं ताँन् आछ्याँबै सैंउँइँले खबै केमैं ग। ङइ क्‍हेमैंलाइ ओंसोंन् लोदा सैंदा लब् धोंले तोगो या बिम्: छाबै केमैं लप्रब्मैं, परमेश्‍वरए ग्याल्सर्बै हगवाला तरिब् आरे।

ओ अलि-अङाँमैं, क्‍हेमैं ठिमए न्होंर टिल् आत्हुरिगे बिसि परमेश्‍वरजी क्‍हेमैंलाइ त्‍हाँब् ग। छले क्हेमैं खाँसो ङ्हाँन् तल् योंबइले तारे पिरु ह्रोंसए सैंउँइँले खबै आछ्याँबै ताँमैंए लिलि आप्रद्, बरु घ्रिइ घ्रिने म्हाँया लसि घ्रिइ घ्रिए सेवा लद्।

तलेबिस्याँ म्‍हिमैंए सैंउँइँले खबै आछ्याँबै इच्‍छाइ पबित्र प्ल्हए बिरोध लम्, छलेन पबित्र प्ल्हए छ्याँबै इच्‍छाइ म्‍हिमैंए सैंउँइँले खबै आछ्याँबै इच्‍छाए बिरोध लम्। चुमैं ङ्हिं आक्‍ह्रि। छतमा क्‍हेमैंइ छ्याँबै केमैं लल् म्हैलेया लल् आखाँ।

तलेबिस्याँ ताँन् ठिमर्बै ताँमैं चु ताँ घ्रिर्न पूरा तइमुँ: “क्हिइ ह्रोंसलाइ म्हाँया लब् धोंले ङ्‍हेब् ट्हुब्मैंए फिरै या म्हाँया लद्।”

ङ्यो तिफुँइ थेब् आप्‍हैंले, अरूलाइ ह्रिस खल् आलले, झाइले अरूमैंए फिर ह्रिस आलले।

ङ्यो केब्छैं-केब्स्‍योमैं आतबै ल्हागिर ख्रीष्‍टजी सै फोसि ङ्योलाइ ठिमउँइँले खामिंइ। छतसि सैं भोंब् लद्। क्‍हेमैं धबै केब्छैं-केब्स्‍योमैं आतद्!