Populære bibelvers fra २ कोरिन्थी 9

Del

क्हेमैंने बालु खोंयोंन् बिलै तोन्दोंरि सै छ्येज्याल्हुल्हुले तरिगे, धै छ्याँबै केए ल्हागिर क्हेमैंइ ल्हें ल्हें पिंल् खाँरिगे बिसि परमेश्‍वरजी क्‍हेमैं ताँनलाइ आशिक् पिंल् खाँम्।

छतसि ताँन् म्हिमैंइ ह्रोंसइ कति पिंल् खाँमुँ च्हगन् पिंन्, आगुइ कर ल्हैदिसि सैं आतोंदै आपिंन्। तलेबिस्याँ सैं तोंदै भेटि पिंबै म्‍हि म्रोंसि परमेश्‍वर सैं तोंम्।

खाबइ च्‍युगुदे प्‍लु प्‍लुमुँ चइ च्‍युगुदेन् रा-रोमैं खुब्‍मुँ, खाबइ ल्हें प्‍लु प्‍लुमुँ चइ ल्‍हेन् खुब्‍मुँ।

परमेश्‍वरजी प्‍लु प्‍लुबै म्हिलाइ प्‍लु पिंम्, धै म्‍हिमैंलाइ चबै सै पिंम्। च धोंले परमेश्‍वरजी क्‍हेमैंलाइ चैदिबै प्‍लु पिंसि चलाइ बडिमिंब्‍मुँ, झाइले क्‍हेमैंइ लबै छ्याँबै केल ल्हें रोमैं तब्‍मुँ। छलेन क्‍हेमैंइ ताँन् छ्याँबै केर भेटि पिंल् खाँरिगे बिसि खीजी खोंयोंन् बिलै क्‍हेमैंलाइ योबा-ख्‍युबा लमिंब्‍मुँ। क्‍हेमैंइ पिंबै भेटि ङिए योउँइँले ङ्हाँदुमैंइ योंमा चमैंइ परमेश्‍वरलाइ धन्‍यबाद पिंब्‍मुँ।

बयन लसे लल् आखाँबै बेल्‍ले थेबै बरदान परमेश्‍वरजी ङ्योलाइ पिंसेरो खीलाइ धन्‍यबाद पिंले।