Populære bibelvers fra လံာ်မးသဲ 27

Del

ဖဲအကဘၣ်သၢနၣ်ရံၣ်န့ၣ်, ယ့ၣ်ၡူးကိးပသူထီၣ်လၢအကလုၢ်ဖးဒိၣ်ဒီးစံး, “အ့ၤလံၤ, အ့ၤလံၤ, လၤမၤစၤဘၤဃသၤနံ,” အခီပညီမ့ၢ်ဝဲ, “ယကစၢ်ယွၤဧၢ, ယကစၢ်ယွၤဧၢ, ဘၣ်မနုၤလၢနလဲၤသဒၣ်ကွံာ်ယၤလဲၣ်.”

တုၤနုၤတစု, ယၣ်ဘျးသဒၢလၢအအိၣ်စဲၤလီၤအသးလၢတၢ်လုၢ်ဟံၣ်ပူၤတဘ့ၣ်န့ၣ်, ယာ်ကွံာ်ခံခီစးထီၣ်လၢအခိၣ်ပၢၢ်လၢအခီၣ်ထံးလီၤ. ဟီၣ်ခိၣ်ဟူးဝဲ, လၢၢ်ဧိၤလ့ဧိၤတဖၣ်သ့ၣ်မုၢ်သ့ၣ်ဖးကွံာ်, တၢ်သွၣ်ခိၣ်အပူၤတဖၣ်အိးထီၣ်အသး, ဒီးကစၢ်ယွၤအပှၤဂီၢ်မုၢ်အါဒံ အါဂၤလၢအသံတ့ၢ်ဝဲတဖၣ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤ အီၤလီၤ.

ယ့ၣ်ၡူးကိးထီၣ်ကဒီးလၢအကလုၢ်ဖးဒိၣ်တဘီ, ဒီးအသးဟးထီၣ်ဝဲလီၤ.

တုၤသုးခိၣ်တဂၤဃုာ်ဒီးအသုးဖိလၢအအိၣ်ခိးကွၢ်ယ့ၣ်ၡူးတဖၣ်, ထံၣ်ဟီၣ်ခိၣ်ဟူးဒီးတၢ်ခဲလၢာ်လၢအမၤအသးတဖၣ်န့ၣ်, အဝဲသ့ၣ်အသူၣ်ပျံၤအသးဖုးဒီးစံး, “ပှၤအဝဲအံၤ မ့ၢ်နီၢ်နီၢ်ကစၢ်ယွၤအဖိခွါလီၤ.”

ဖဲမုၢ်ထူၣ်အကတီၢ်န့ၣ်, တၢ်ခံးလီၤလၢကီၢ်ဒီဘ့ၣ်ညါအပူၤတုၤလီၤလၢ ဟါသၢနၣ်ရံၣ်အကတီၢ်န့ၣ်လီၤ.

စီၤပံၤလးသံကွၢ်အဝဲသ့ၣ်, “မ့မ့ၢ်ဒ်န့ၣ်ဒီးယ့ၣ်ၡူးလၢပှၤကိးအီၤလၢခရံာ်န့ၣ်, ယကဘၣ်မၤအီၤဒ်လဲၣ်.” အဝဲသ့ၣ်ခဲလၢာ်စံးဆၢဝဲ, “ပျၤထီအီၤလၢထူၣ်စုညါအလိၤတက့ၢ်.” ဘၣ်ဆၣ်, စီၤပံၤလးသံကွၢ်တၢ်ဒီးစံး, “အဝဲမၤကမၣ်တ့ၢ်တၢ်မနုၤလဲၣ်.” တုၤနုၤတစုအဝဲသ့ၣ်ကိးပသူထီၣ်ဒိၣ်န့ၢ်အလီၢ်ဒီးစံး, “ပျၤထီအီၤလၢထူၣ်စုညါအလိၤတက့ၢ်.”