Populære bibelvers fra လံာ်မးသဲ 16

Del

တုၤနုၤတစုယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤတဂၤဂၤမ့ၢ်အဲၣ်ဒိးကဲယပျဲၢ်ယဘီၣ်ဒီး, မ်အညိကွံာ်အသးဒၣ်ဝဲ, ဒီးယိးထီၣ်အထူၣ်စုညါ, ဒီးပိာ်ယခံတက့ၢ်.

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

ယကဟ့ၣ်နၤလၢမူခိၣ်ဘီမုၢ်အနီၣ်ဝံာ်ခံတဖၣ်လီၤ. ဖဲဒၣ်တၢ်လၢနတြီဃာ်တမံၤမံၤလၢပှၤသုတမၤလၢဟီၣ်ခိၣ်ချၢ တဂ့ၤန့ၣ်, ကဘၣ်တၢ်တြီဃာ်အီၤလၢမူခိၣ်, ဒီးဖဲဒၣ်တၢ်လၢနပျဲတမံၤမံၤလၢပှၤကမၤလၢဟီၣ်ခိၣ်ချၢအံၤ န့ၣ်, ကဘၣ်တၢ်ပျဲမၤအီၤလၢမူခိၣ်လီၤ.”

အဂ့ၢ်ဒ်အံၤ, ပှၤတဂၤလၢ်လၢ်လၢအသးအိၣ်ဟံးဃာ်ဒီးမၤပူၤဖျဲး အသးသမူဒၣ်ဝဲန့ၣ်, အတၢ်မူနီၢ်နီၢ်ကလီၤမၢ်န့ၢ်အီၤလီၤ. ဒီးပှၤတဂၤလၢ်လၢ်လၢအဒုးလီၤမၢ်ကွံာ်အသးသမူလၢယဃိန့ၣ်, ကထံၣ်န့ၢ်တၢ်မူနီၢ်နီၢ်လီၤ.

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

ယ့ၣ်ၡူးသံကွၢ်အဝဲသ့ၣ်, “မ့မ့ၢ်သုဝဲသုစံးလၢယမ့ၢ်မတၤတဂၤလဲၣ်.” စီၤၡံမိၣ်ပ့းတရူးစံးဆၢဝဲ, “နမ့ၢ်ခရံာ်, ကစၢ်ယွၤလၢအမူဝဲတဂၤအဖိခွါလီၤ.”

ယ့ၣ်ၡူးစံးဆၢအီၤ, “စီၤယိၤနါအဖိခွါစီၤၡံမိၣ်ဧၢ, နဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, တၢ်သ့ၣ်ညါအံၤတဟဲလၢပှၤကညီအအိၣ်ဘၣ်. မ့မ့ၢ်, ဘၣ်တၢ်လီၣ်ဖျါထီၣ်န့ၢ်နၤလၢယပၢ်လၢအအိၣ်လၢမူခိၣ်န့ၣ်လီၤ.