Populære bibelvers fra လံာ်လူၤကၣ် 9

Del

ဒီးအဝဲဒၣ်စံးဘၣ်ပှၤကိးဂၤဒဲး, “ပှၤမ့ၢ်သးအိၣ်ပိာ်ယခံတဂၤဂၤန့ၣ်, အဝဲဒၣ်ကဘၣ်ညိကွံာ်အသး, ဟံးထီၣ်အထူၣ်စုညါကိးနံၤဒဲးဒီးကဲထီၣ်ယပျဲၢ်ယဘီၣ်လီၤ.

အဂ့ၢ်ဒ်အံၤ, ပှၤတဂၤလၢ်လၢ်လၢအအဲၣ်ဒိးအုၣ်က့ၤခီၣ်က့ၤ အသးသမူဒၣ်ဝဲန့ၣ်, အသးသမူကလီၤမၢ်န့ၢ်အီၤလီၤ. မ့မ့ၢ်ပှၤတဂၤလၢ်လၢ်လၢအဒုးလီၤမၢ်ကွံာ်အသးသမူဒၣ်ဝဲလၢယဃိန့ၣ်, ကအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ.

ယ့ၣ်ၡူးစံးဘၣ်အီၤ, “ပှၤတဂၤဂ့ၤတဂၤဂ့ၤလၢအထူထီၣ်စံာ်ဒီး ကွၢ်ကဒါက့ၤဆူအလီၢ်ခံတလီၢ်လီၢ်န့ၣ်, အဘျုးအဖှိၣ်တအိၣ်ဝဲလၢ ကစၢ်ယွၤအဘီအမုၢ်အဂီၢ်နီတမံၤဘၣ်.”

အဂ့ၢ်ဒ်အံၤ, ပှၤတဂၤမ့ၢ်ဒိးန့ၢ်ဘၣ်ဟီၣ်ခိၣ်ဒီဘ့ၣ်ညါဘၣ်ဆၣ်, အနီၢ်ကစၢ်ဒၣ်ဝဲမ့ၢ်လီၤမၢ်ကွံာ်မ့တမ့ၢ်ဘၣ်တၢ်မၤနၢၤကွံာ်အီၤန့ၣ်, ကဒိးန့ၢ်တၢ်ဘျုးတၢ်ဖှိၣ်တမံၤမံၤကစီဒီဧါ. တဒိးန့ၢ်ဝဲလ့ၤတက့ၤဘၣ်.

ပှၤတဂၤမ့ၢ်မဲာ်ဆှးယၤဒီးယတၢ်သိၣ်လီၤသီလီၤတဖၣ်န့ၣ်, ပှၤကညီဖိခွါကမဲာ်ဆှးအီၤဖဲအဝဲဒၣ်ဟဲလၢအလၤကပီၤအပူၤ, ဒီးအပၢ်အလၤကပီၤအပူၤဒီးလၢကလူးစီဆှံတဖၣ်အလၤကပီၤ အပူၤအဆၢကတီၢ်န့ၣ်လီၤ.

ယ့ၣ်ၡူးစံးဘၣ်အီၤ, “ထွံၣ်ဟီၣ်ခိၣ်တဖၣ်အိၣ်ဒီးအပူၤတဖၣ်, ဒီးထိၣ်တဖၣ်အိၣ်ဒီးအသွံတဖၣ်လီၤ. မ့မ့ၢ်ပှၤကညီဖိခွါအံၤ ထဲအကမံလီၤဒီးအိၣ်ဘှံးအိၣ်သါအဂီၢ်ဒၣ်လဲာ်, တၢ်လီၢ်တၢ်ကျဲတအိၣ်နီတပူၤဘၣ်.”

ဒီးစံးဘၣ်အဝဲသ့ၣ်, “ပှၤတဂၤလၢ်လၢ်လၢအတူၢ်လိာ်ဖိသၣ်တဂၤအံၤ လၢယမံၤအဃိန့ၣ်, မ့ၢ်အတူၢ်လိာ်ယၤ, ဒီးပှၤတဂၤလၢ်လၢ်လၢ အတူၢ်လိာ်ယၤန့ၣ်, မ့ၢ်အတူၢ်လိာ်ပှၤလၢအမၢလီၤယၤတဂၤန့ၣ်လီၤ. အဂ့ၢ်ဒ်အံၤ, ပှၤအဆံးကတၢၢ်လၢသုဝဲခဲလၢာ်အကျါန့ၣ်, မ့ၢ်ပှၤအဒိၣ်ကတၢၢ်လီၤ.”