Populære bibelvers fra လံာ်လူၤကၣ် 5

Del

ဖဲအဝဲဒၣ်စံးကတိၤတၢ်ဝံၤန့ၣ်, စံးဘၣ်စီၤၡံမိၣ်, “သုးယံၤထီၣ်နချံဆူထံအယိာ်, ဒီးနၤဒီးပှၤမၤသကိးတၢ်ဒီးနၤတဖၣ် ပာ်လီၤသုစၤတဖၣ်လၢသုကဖီၣ်န့ၢ်ညၣ်အဂီၢ်တက့ၢ်.”

စီၤၡံမိၣ်စံးဆၢအီၤ, “ကစၢ်ဧၢ, ပမၤတ့ၢ်လံဒီနၤညါဒီးပတဖီၣ်န့ၢ်တၢ်နီတမံၤဘၣ်. ဘၣ်ဆၣ်, နမ့ၢ်စံးဒ်န့ၣ်ဒီးယကပာ်လီၤစၤတဖၣ်လီၤ.” အဝဲသ့ၣ်ပာ်လီၤစၤတဖၣ်ဒီးဖီၣ်န့ၢ်ညၣ်အါအါဂီၢ်ဂီၢ်တုၤဒၣ်လဲာ် စၤတဖၣ်ဘူးတ့ၢ်မးလၢကယာ်ကွံာ်လီၤ.

ဘၣ်ဆၣ်, အဝဲလဲၤဆူပှၢ်မုၢ်ကနၢဒီးဖဲန့ၣ်, အဝဲဒၣ်ဃ့ဘါထုကဖၣ်တၢ်လီၤ.

တမ့ၢ်ယဟဲဒ်သိးယကကိးက့ၤပှၤတီပှၤလိၤတဖၣ်လၢအကပီၢ် ယၢ်လီၤက့ၤအသးအဂီၢ်ဘၣ်. မ့မ့ၢ်ယဟဲကိးက့ၤပှၤတၢ်ဒဲးဘးဖိ တဖၣ်လီၤ.”

ဖဲစီၤၡံမိၣ်ပ့းတရူးထံၣ်တၢ်လၢအမၤအသးတမံၤအံၤန့ၣ်, အဝဲဒၣ်ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဝဲ, “ဟးထီၣ်ကွံာ်လၢယအိၣ်တက့ၢ်, ကစၢ်ဧၢ, ယမ့ၢ်ပှၤတၢ်ဒဲးဘးဖိတဂၤလီၤ.”

ယ့ၣ်ၡူးစံးဆၢအဝဲသ့ၣ်, “ပှၤလၢအအိၣ်ဆူၣ်အိၣ်ချ့တဖၣ်န့ၣ်တလိၣ်ဘၣ်ကသံၣ်သရၣ်ဘၣ်. ပှၤလိၣ်ဘၣ်ကသံၣ်သရၣ်န့ၣ်မ့ၢ်ဒၣ်ထဲပှၤဘၣ်ဆူးဘၣ်ဆါတဖၣ်လီၤ.

အဝဲသ့ၣ်တွံၢ်ထီၣ်အချံတဖၣ်လၢထံကၢၢ်နံၤ, ပာ်တ့ၢ်ကွံာ်တၢ်ခဲလၢာ်ခဲဆ့ဒီးပိာ်ထီၣ်ယ့ၣ်ၡူးအခံန့ၣ်လီၤ.

ဘၣ်တဘျီယ့ၣ်ၡူးအိၣ်ဝဲဖဲဝ့ၢ်တဖျၢၣ်လၢပှၤတူၢ်ဘၣ်တၢ်ဆါအၢလၢ အလီၤပျံၤမးတကလုာ်အိၣ်ဝဲဒၣ်တဂၤန့ၣ်လီၤ. ဖဲအဝဲထံၣ်ယ့ၣ်ၡူးန့ၣ်ထိၣ်လီၤပှီၤအသးလၢယ့ၣ်ၡူးအခီၣ်ထံး ဒီးဃ့ကညးအီၤဒီးစံးဝဲ, “ကစၢ်ဧၢ, နသးမ့ၢ်အိၣ်ဒီးနမၤကဆှီထီၣ်က့ၤယၤသ့ဝဲလီၤ.” ယ့ၣ်ၡူးယူာ်ဃီၤအစုဒီးထိးဘၣ်အီၤဒီးစံးဝဲ, “ယသးအိၣ်ယဲလီၤ. မ်နကဆှီထီၣ်က့ၤတက့ၢ်.” ဒီးတၢ်ဆါအၢန့ၣ်ဘျါက့ၤဝဲတဘျီဃီလီၤ.

ဘၣ်ဆၣ်ဒီးတၢ်ကစီၣ်ဘၣ်ဃးယ့ၣ်ၡူးအဂ့ၢ်ဟူထီၣ်သါလီၤဝဲအါန့ၢ်အလီၢ်, ဒီးပှၤဂီၢ်မုၢ်ဖးဒိၣ်ဟဲဒ်သိးအကနၢ်ဟူဘၣ်အတၢ်ကတိၤဒီးဒ်သိးအတၢ် ဆူးတၢ်ဆါတဖၣ်ကဘၣ်တၢ်မၤဘျါက့ၤအီၤအဂီၢ်လီၤ.