Populære bibelvers fra လံာ်ယိၤဟၣ် 15

Del

ယဲဒၣ်အံၤယမ့ၢ်စပံးမုၢ်, ဒီးသုဝဲသ့ၣ်အံၤသုမ့ၢ်အဒ့တဖၣ် လီၤ. ပှၤတဂၤလၢ်လၢ်လၢအအိၣ်ဆိးလၢယပူၤဒီးယအိၣ် ဆိးလၢအပူၤန့ၣ်, ကသၣ်ထီၣ်ဝဲဒၣ်အါဖျၢၣ်လီၤ. မ့တမ့ၢ် ဘၣ်လၢယၤဘၣ်ဒီး, သုမၤတၢ်တသ့ဘၣ်နီတမံၤဘၣ်.

အိၣ်ဆိးသုဝဲလၢယပူၤ, ဒီးယကအိၣ်ဆိးယဲလၢသုပူၤလီၤ. ဒ့တဒ့အိၣ်ဒၣ်အတၢ်န့ၣ်သၣ်ထီၣ်ဝဲတသ့ဘၣ်. သၣ်ထီၣ်ဝဲသ့ဖဲဒၣ်လၢ အအိၣ်စဲဘူးဒီးစပံးမုၢ်န့ၣ်လီၤ. ဒ်န့ၣ်အသိး, သုမ့ၢ်တအိၣ် တဆိးလၢယပူၤဘၣ်ဒီးသုသၣ်ထီၣ်တသ့ဘၣ်လီၤ.

သုမ့ၢ်အိၣ်ဆိးလၢယပူၤဒီးယကလုၢ်ကထါမ့ၢ်အိၣ်ဆိး လၢသုပူၤန့ၣ်, သုကဃ့တၢ်တမံၤဂ့ၤတမံၤဂ့ၤလၢသုသး လီဒီးသုကဒိးန့ၢ်ဘၣ်အီၤလီၤ.

သုတဃုထၢယၤဘၣ်. မ့မ့ၢ်ယဃုထၢသုဒီးပာ်လီၤသုလၢသု ကလဲၤဒီးသၣ်ထီၣ်ဝဲဒၣ်အါဖျၢၣ်, တၤသၣ်တကလုာ်လၢ အအိၣ်ဂၢၢ်ဆိးကျၢၤလီၤ. ဒီးပၢ်ကဟ့ၣ်လီၤသုတၢ်တမံၤဂ့ၤ တမံၤဂ့ၤလၢသုဃ့အီၤလၢယမံၤအပူၤန့ၣ်လီၤ.

တၢ်အဲၣ်တၢ်ကွံအဒိၣ်ကတၢၢ်လၢပှၤတဂၤဟ့ၣ်အတံၤသကိး တဖၣ်သ့န့ၣ်, မ့ၢ်တၢ်တူၢ်သံအသးလၢအဝဲသ့ၣ်အဂီၢ်န့ၣ်လီၤ.

ကယဲၢ်ဒ့လၢယလိၤလၢအတသၣ်ထီၣ်ဘၣ်ဝဲန့ၣ်, အဝဲကျီကွံာ်ဝဲ, ဒီးကယဲၢ်ဒ့လၢအသၣ်ထီၣ်ဝဲန့ၣ်, အဝဲပဲာ်ဟိကဆှီထီၣ်ဝဲဒ်သိးအကကဆှီထီၣ်ဒီး ကသၣ်အါထီၣ်ဝဲအဂီၢ်လီၤ.

ယတၢ်မၤလိာ်မ့ၢ်အအံၤ, အဲၣ်လိာ်ကွံလိာ်သုသးတဂၤဒီး တဂၤ, ဒ်ယအဲၣ်သုအသိးန့ၣ်တက့ၢ်.

ယပၢ်အလၤကပီၤဘၣ်တၢ်ဒုးနဲၣ်ဖျါထီၣ်အီၤခီဖျိလၢ သုသၣ်ထီၣ်အါမး, ဒီးလၢတၢ်အံၤအဃိ, သုကဲထီၣ် ယပျဲၢ်ယဘီၣ်တဖၣ်လီၤ.

ယဲဒၣ်အံၤယမ့ၢ်စပံးမုၢ်နီၢ်နီၢ်, ဒီးယပၢ်မ့ၢ်ပှၤပၢၤစပံးမုၢ် အလီၢ်လီၤ.

ပှၤတဂၤလၢ်လၢ်လၢအတအိၣ်ဆိးလၢယပူၤန့ၣ်, ကဘၣ်တၢ်စူးကွံာ်အီၤဒ်သ့ၣ်ဒ့အသိးဒီးကဃ့ထီကွံာ် ဝဲလီၤ. သ့ၣ်ဒ့ဒ်န့ၣ်အသိးတဖၣ်ကဘၣ်တၢ်ထၢဖှိၣ်အီၤ ဒီးကွံာ်နုာ်အီၤဆူမ့ၣ်အူပူၤဒီးမ့ၣ်အူကအီၣ်ကွံာ်အီၤဖဲ န့ၣ်လီၤ.

ယစံးဘၣ်တဲဘၣ်တ့ၢ်သုတၢ်အံၤဒ်သိးယတၢ်သးခုကအိၣ် လၢသုပူၤဒီးဒ်သိးသုတၢ်သးခုကလၢထီၣ်ပှဲၤထီၣ်ဝဲ အဂီၢ်လီၤ.

သုမ့ၢ်ဒိကနၣ်ယတၢ်မၤလိာ်တဖၣ်ဒီးသုကအိၣ်ဆိးလၢ ယတၢ်အဲၣ်အပူၤ, ဒ်ယဒိကနၣ်ယပၢ်အတၢ်မၤလိာ်တဖၣ် ဒီးအိၣ်ဆိးလၢအတၢ်အဲၣ်အပူၤအသိးန့ၣ်လီၤ.

အအံၤမ့ၢ်တၢ်လၢယမၤလိာ်သုလီၤ. အဲၣ်လိာ်ကွံလိာ် သုသးတဂၤဒီးတဂၤတက့ၢ်.

သုမ့ၢ်ဘၣ်ဃးဒီးဟီၣ်ခိၣ်ဒီး, ဟီၣ်ခိၣ်ကအဲၣ်သုဒ်အတၢ်ဒၣ်ဝဲ အသိးလီၤ. ဘၣ်ဆၣ်ယဃုထၢသုလၢဟီၣ်ခိၣ်အံၤ, ဒီးသုတဘၣ်ဃးဒီးအီၤလၢၤဘၣ်. လၢတၢ်န့ၣ်အဃိ, ဟီၣ်ခိၣ်သးဟ့သုလီၤ.