Populære bibelvers fra ကလၤတံ 3

Del

ဘၣ်ဆၣ်ဒီး, ခီဖျိခရံာ်ဒိးတၢ်စံၣ်ညီၣ်လၢပဂီၢ်န့ၣ်အဝဲဒၣ်ဒုး ထူၣ်ဖျဲးထီၣ်ကွံာ်ပှၤလၢတၢ်စံၣ်ညီၣ်လၢတၢ်သိၣ်တၢ်သီဒုး အိၣ်ထီၣ်ဝဲန့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤလၢ်လၢ်လၢအဘၣ်တၢ်ဘျးထီၣ်အစိၣ် လၢသ့ၣ်ထူၣ်တထူၣ်အလိၤန့ၣ်, အိၣ်လၢကစၢ်ယွၤအတၢ်စံၣ်ညီၣ်အဖီလာ်န့ၣ်လီၤ” (သိၣ်သီ ၂၁:၂၃).

အဃိ, တၢ်လီၤဆီလိာ်သးတအိၣ်ဘၣ်လၢပှၤယူဒၤဖိဒီးပှၤ ကလုာ်ဂၤတဖၣ်အဘၢၣ်စၢၤ, ပှၤကုၢ်ဖိဒီးပှၤသဘျ့ဖိတဖၣ် အဘၢၣ်စၢၤ, ပှၤပိာ်ခွါဒီးပှၤပိာ်မုၣ်တဖၣ်အဘၢၣ်စၢၤန့ၣ်ဘၣ်. သုဝဲခဲလၢာ်န့ၣ်သုမ့ၢ်တၢ်တမံၤဃီလၢယ့ၣ်ၡူးခရံာ်အပူၤ န့ၣ်လီၤ.

သုမ့ၢ်ဘၣ်ဃးဒီးခရံာ်ဒီး, သုမ့ၢ်စီၤအၤဘြၤဟၣ်အစၢၤအသွဲၣ်တဖၣ်ဒီးသုကဒိး န့ၢ်ဘၣ်တၢ်လၢကစၢ်ယွၤအၢၣ်လီၤတ့ၢ်န့ၣ်လီၤ.

ခရံာ်မၤတၢ်အံၤန့ၣ်, မ့ၢ်ဒ်သိးတၢ်ဆိၣ်ဂ့ၤလၢယွၤစံးပာ်လၢအကဟ့ၣ်လီၤ စီၤအၤဘြၤဟၣ်န့ၣ်ကဘၣ်တၢ်ဟ့ၣ်စ့ၢ်ကီးအီၤဆူပှၤကလုာ်ဂၤ တဖၣ်ခီဖျိယ့ၣ်ၡူးခရံာ်, ဒ်သိးခီဖျိတၢ်စူၢ်တၢ်နာ်န့ၣ်ပကဒိးန့ၢ်ဘၣ်ယွၤအသးလၢ ကစၢ်ယွၤအၢၣ်လီၤလၢအကဟ့ၣ်ပှၤအဂီၢ်န့ၣ်လီၤ.

ခဲကနံၣ်အံၤ, အိၣ်ဖျါဝဲဒၣ်ဆှံဆှံလၢတၢ်တမၤလိၤမၤဘၣ် ပှၤကညီဒီးကစၢ်ယွၤခီဖျိတၢ်သိၣ်တၢ်သီန့ၣ်နီတဂၤဘၣ်. အဂ့ၢ်ဒ်အံၤ, တၢ်ကွဲးအသးစံးဝဲ, “ထဲဒၣ်ပှၤလၢအဘၣ်တၢ်မၤလိၤမၤဘၣ်အီၤဒီးကစၢ်ယွၤခီဖျိ တၢ်နာ်န့ၣ်ကမူဝဲလီၤ” (ဃဘး ၂:၄).