Populære bibelvers fra 1 ကရံၣ်သူး 13

Del

တၢ်အဲၣ်တၢ်ကွံန့ၣ်, အသူၣ်စူၤသးစူၤဒီးအသူၣ်ဂ့ၤသးဝါ လီၤ. အဝဲဒၣ်အသးတက့ၣ်တၢ်မ့ၢ်ဂ့ၤ, ပာ်ဒိၣ်အသးမ့ၢ်ဂ့ၤ, ပာ်ထီၣ်ထီအသးမ့ၢ်ဂ့ၤန့ၣ်ဘၣ်. တၢ်အဲၣ်တၢ်ကွံတအိၣ်ဒီးလုၢ်အၢလၢ်သီမ့ၢ်ဂ့ၤ, တအဲၣ်လီၤ အသးမ့ၢ်ဂ့ၤ, တအ့စိၢ်အ့န့မ့ၢ်ဂ့ၤန့ၣ်ဘၣ်. တၢ်အဲၣ်တၢ်ကွံ တတိၢ်န့ၢ်ဖံးဃာ်တၢ်ကမူၤကမၣ်တဖၣ်ဘၣ်.

တၢ်အဲၣ်တၢ်ကွံန့ၣ်တဟ့ၣ်လီၤအသးနီတစုဘၣ်. ဒီးအဝဲဒၣ်အတၢ်စူၢ်တၢ်နာ်, တၢ်မုၢ်လၢ်, ဒီးတၢ်သူၣ်စူၤသးစူၤတဖၣ်န့ၣ်တလီၤတိၢ်နီတစုဘၣ်.

တၢ်အဲၣ်တၢ်ကွံန့ၣ်တသးခုလၢတၢ်အၢတၢ်သီအပူၤဘၣ်. မ့မ့ၢ်အသးခုလၢတၢ်မ့ၢ်တၢ်တီအပူၤလီၤ.

မ့မ့ၢ်, ဖဲဆၢကတီၢ်ခဲကနံၣ်အံၤန့ၣ်, တၢ်သၢမံၤအံၤလၢအမ့ၢ်ဝဲတၢ်နာ်, တၢ်မုၢ်လၢ်, ဒီးတၢ်အဲၣ်တၢ်ကွံတဖၣ်အိၣ်ဒံးဒၣ်တၢ်, ဒီးအဒိၣ်ကတၢၢ်လၢအကျါန့ၣ်မ့ၢ်ဝဲတၢ်အဲၣ်တၢ်ကွံလီၤ.

တၢ်အဲၣ်တၢ်ကွံန့ၣ်မ့ၢ်တၢ်လၢအအိၣ်ကၢအိၣ်ခိးဝဲလီၤထူလီၤ ယိာ်လီၤ. တၢ်ကတိၤလၢဝံအကျိာ်တဖၣ်အိၣ်ဝဲ, ဘၣ်ဆၣ်ဒီး တၢ်သ့ၣ်တဖၣ်န့ၣ်မ့ၢ်ဒၣ်တၢ်တစိၢ်တလီၢ်လီၤ. တၢ်ဟ့ၣ်တဖၣ်လၢ အဘၣ်ဃးဒီးတၢ်ကတိၤလၢကျိာ်လၢပှၤတနၢ်ပၢၢ်အိၣ်ဝဲ, ဘၣ်ဆၣ်ဒီးတၢ်သ့ၣ်တဖၣ်န့ၣ်ကဆိကတီၢ်ဝဲဒၣ်လီၤ. တၢ်သ့ၣ်ညါနၢ်ပၢၢ်န့ၣ်အိၣ်ဝဲ, ဘၣ်ဆၣ်ဒီးကလဲၤပူၤကွံာ်ဝဲဒၣ် လီၤ.

ယကတိၤတၢ်လၢပှၤကညီအကျိာ်တဖၣ်ဒီးကလူးတဖၣ် အကျိာ်ဒၣ်လဲာ်မ့ၢ်သ့သနာ်က့, ယတၢ်အဲၣ်တၢ်ကွံမ့ၢ်တအိၣ်ဘၣ်ဒီး, ယတၢ်စံးတၢ်ကတိၤန့ၣ်ကမၤဒၣ်အသးဒ်မိၤအသီၣ်, မ့တမ့ၢ်စှၢၣ်စှံးလၢအသီၣ်ဝဲခြၣ်ခြၣ်အသိးန့ၣ်လီၤ.

ယမ့ၢ်အိၣ်ဒီးဝံဧိၤမီၣ်ဧိၤအစိကမီၤ, ယမ့ၢ်အိၣ်ဒီးတၢ်သ့ၣ်ညါ နၢ်ပၢၢ်ခဲလၢာ်ဒီးသ့ၣ်ညါတၢ်ခူသူၣ်ခဲလၢာ်, ယမ့ၢ်အိၣ်ဒီးတၢ်စူၢ်တၢ်နာ်ခဲလၢာ်လၢယကသုးကစၢၢ် ကလိသ့သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဒီး, ယတမ့ၢ်တၢ်နီတမံၤဘၣ်.

ယမ့ၢ်ဟ့ၣ်လီၤကွံာ်တၢ်လၢအအိၣ်ဒီးယၤခဲလၢာ်, ဒီးယမ့ၢ်ဟ့ၣ်လီၤကွံာ်ဒၣ်လဲာ်ယနီၢ်ခိဒ်သိးပှၤ ကဆူးထီၣ်ကွံာ်အီၤလၢမ့ၣ်အူအဂီၢ်သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဘၣ်ဒီး, တမ့ၢ်အကမၤဂ့ၤယၤလၢတၢ်နီတမံၤဘၣ်.

ဖဲယမ့ၢ်ဖိသၣ်တဂၤန့ၣ်, ယတၢ်စံးတၢ်ကတိၤ, ယတၢ်ပာ်သူၣ်ပာ်သးဒီးတၢ်ဆိကမိၣ်ဆိကမးတဖၣ်မ့ၢ်တၢ်လၢ အဘၣ်ဃးဒီးဖိသၣ်ခဲလၢာ်လီၤ. မ့မ့ၢ်ခဲကနံၣ်အံၤ, ဖဲယမ့ၢ်ပှၤဒိၣ်တုာ်တဂၤန့ၣ်, ပှၤဖိသၣ်အကျဲတဖၣ်အဘျုးအဖှိၣ်တအိၣ်ဝဲလၢယဂီၢ်လၢၤဘၣ်.