Populære bibelvers fra Énkjínkón 1

Del

Ngayeje xota̱ xi mejeén nga xota̱ xi kjínkón ka̱ma, tjón mára ngatamabendikón Néná. Ngatꞌa̱ xota̱ xi kitikjo̱a̱a̱, mejénjiín nga si̱ꞌanchji̱ni̱e̱, ti̱nde mejénjiín nga xota̱ xi kjínkón ka̱ma. Ji ndí, tasínijìi̱n nga sa̱ꞌínchji̱ni̱e̱e̱ na̱ꞌmíi̱, kó ngata̱ niꞌínchꞌíjín ji ni xi ko̱kóyaá na̱áa̱n.

Ngatꞌa̱ xota̱ xi jmí ni bejiín, achichí tsá fesón, ngatꞌa̱ mejénjiín nga xota̱ xi kjínkón ka̱ma. Kó xota̱ xi kitikjo̱a̱a̱, kjo̱a̱a̱ nga nda tjitjóninkꞌaa̱ yojoo̱ boá nga kju̱i̱e̱ni. Ta̱nga kui xota̱ xi sa̱ꞌínsénna, achichí xió kꞌuíndo, kó stsa̱kjonjiín ni xi ndajiín.

Jún, xota̱ xi chji̱ni̱e̱ ko̱jo xi kjínkónjnú, tasiénnijónjnú, kó bo̱a̱ tsꞌén nga chji̱ni̱e̱ ngase ka̱majnú, ko̱jo ꞌniú ngase xcha̱jnú ni xi bokoyá kjo̱a̱mindyioo̱n.

Ji ndí, tsi xota̱ xi ndyi̱tsꞌènjeé mejeén ku̱i̱ꞌíndisojoo̱, ngata̱ boeꞌéndièjín ji nga sa̱ꞌínꞌindatakín.

Énkjínkón xi katsꞌénda Salomoo̱, nda̱ ree̱ nangi Israee̱l, kui xi ndií Ndabii̱ kamá. Kui énkjínkoón kuí xá kamándani, tsi̱ꞌe̱ nga xota̱ xi kjínkón ka̱majnú, ko̱jo nga ka̱ma chji̱ni̱e̱jnú, ko̱jo tsi̱ꞌe̱ nga xcha̱jnú én xí tjiín kjo̱a̱kjíntakón, ko̱jo tsi̱ꞌe̱ nga ko̱nda̱ꞌyájnú kjo̱a̱botíxoma kjo̱a̱a̱ xikótsꞌèn nga nda si̱ꞌankjójnú ni xi si̱ꞌánjnú, ko̱jo kjo̱a̱a̱ nga kixi̱, nga na̱xo̱, ko̱jo nga ndse̱je̱n ka̱majnú. Kó ti̱ machjién kuí eén tsi̱ꞌe̱ nga xi̱ꞌinkjo̱a̱ ka̱ma xota̱ xi kji̱e̱ ꞌniújín maá ni xi bokoyá kjo̱a̱mindyioo̱n, ko̱jo tsi̱ꞌe̱ nga jákjíndí xí xo̱ngo̱ò kꞌuieé kjo̱a̱kjíntakón, ko̱jo nga nda sa̱ꞌínkjó ni xi sa̱ꞌín.

Kósꞌe̱ kjiꞌá boá nga ko̱ndókjo̱a̱jnúꞌun, ta̱nga sa̱ꞌinsénjínjnúꞌun, ta̱jñó má ku̱i̱ndyi̱séjnúꞌun, ta̱nga ngiti̱ sa̱kójínjnú án. Ta̱ngatꞌanii̱ nga kiniꞌánchꞌójnú kjo̱a̱kjínkoón, kó kamámejénjínjnú nga kamáyàndikónjnú Néná