Populære bibelvers fra Matioo̱ 7

Del

Chji̱a̱ꞌajnú, kó ko̱e̱ꞌéjnú, ti̱ndyi̱séjnú, kó sa̱kójnú, ndókjo̱a̱jnú tꞌa ngo nga̱ntjo̱a̱, kó xchjáxꞌájnú.

Ngatꞌa̱ ngayeje xota̱ xi ku̱i̱ꞌa, ko̱e̱ꞌeé, kó xi ko̱ngase, sa̱ko̱ó, kó xi ku̱i̱chji̱a̱ tꞌa ngo nga̱ntjo̱a̱, xchjáxꞌaá.

Kó kuíni nga, ta̱ ꞌyání xota̱ xi ntꞌié kuí eén kó tsꞌénkjátjosón, bo̱a̱ fóyanii̱ xikó maá ngo nda̱ xi xi̱ꞌinkjo̱a̱, xi katsꞌénda ndiꞌaa̱ nga̱soón ngo ndi̱jo̱je.

Kó kuíni nga, ni xi mejénjnú nga si̱ꞌanjo̱jnú jún, bo̱a̱ ti̱ꞌanjo̱jnú xota̱ xi kje̱ꞌe, ngatꞌa̱ bo̱a̱ kjiꞌi kjo̱a̱kitii̱ ko̱jo xo̱jo̱n xi katsꞌénꞌindó jáchji̱ni̱e̱ꞌe̱én Néná.

ta̱nga achichí xkjó ko̱jo chichí ndi̱ya̱à kjo̱a̱mindyioo̱n, kó chiboa tsí má xota̱ xi sakoó.

Ki̱a̱ ti̱tjásꞌi̱e̱njnú nga̱ntjo̱a̱ xkjoó, ngatꞌa̱ achichí tiyá ko̱jo je nga̱ntjo̱a̱ ko̱jo ndi̱yà xí fíjo̱ná nga tsꞌénchájáná, kó achichí má xota̱ xi ki̱a̱ ꞌbosꞌien

Ngatꞌa̱ ndatsi jún ndajínjnú xota̱, kó májnú boeꞌéjnúu̱ ngo ni xi nda ndíjnú, akja̱ꞌmíra̱ nga tsja̱ajiín ngo ni xi nda Na̱ꞌmijnú xi tikón ndiꞌakꞌajmi jàn tsi tjín xí ku̱i̱ꞌaa̱.

Ngata̱ fongitaꞌínjínjnú jé ngo xota̱, tsi̱ꞌe̱ nga Néná ko̱óngitaꞌínjínjnú ngo jé. Ngatꞌa̱ xikótsꞌèn ndyi̱nfongitaꞌínjnú jé ngo xota̱, ti̱ bo̱a̱ ti̱ tsꞌén kjongítaꞌínjnú jún ngo jé, kó ti̱kuii yáchi̱bo̱a̱ xi si̱ꞌankjiénjnú jún nga xꞌi̱chi̱bo̱a̱jnú, ti̱kuii xi si̱ꞌankjién nga xꞌi̱chi̱bo̱a̱jojnú jún.

Ta̱nga ta̱ ꞌyání xota̱ xi ntꞌié kuí eén kó tsꞌénkjátjosónjín, bo̱a̱ fóyanii̱ xikó maá ngo nda̱ chi̱ni xi katsꞌénda ndiꞌaa̱ ngo ngi̱ndie nínga tjín tsomí.

Kó ánní nga xtjié xi kjingi ndyi̱ko̱n ntsꞌie ji titsitsijìi̱n, kó yejín ji yáxtió xi kjingi ndyikin ji. Axa̱ kótsꞌèn bi̱ sée̱ ntsꞌie ji: Te̱ꞌéndièní nga kꞌoxié an xtjié xí kjingi ndyikin ji, nga ta̱kó kjingi yáxtioó tse̱.

Chónjnú jáchji̱ni̱e̱ꞌén ndiso xi kjo̱chókónjnú, xi bo̱a̱ má kón xikoó ngo cho̱tsa̱nga̱, ta̱nga nga ja̱koxi̱ cho̱lobo̱ boá. Ta̱ngatꞌanii̱ too̱ yaá nga xcha̱ tsi nda ko̱jo tsi ndajín. A ka̱ma ko̱ꞌna̱je̱e̱n tostsi̱jè ngo yándáꞌyá, axa̱ a ka̱ma ko̱ꞌna̱je̱e̱n toꞌingo̱ yándáꞌyaá.

Bo̱a̱ tsꞌén nga ngayeje yá xí nda, to xi nda xí tsjá, ta̱nga yá xí ndajín, to xi ndajín xí tsjá.

Ka̱májín ngo yá xí nda, xi tsja̱a to xi ndajín, ti̱nde ka̱májín ngo yá xí ndajín xi to xi nda tsja̱a.

Ngayeje yá xí jmí to xi nda tsjájín, bichá sꞌe̱ ꞌbítí.