Populære bibelvers fra Matioo̱ 24

Del

kó kjo̱a̱a̱ nga achichí nga ndajín ka̱ma xotaa̱ kuíni nga ngiti̱ sa̱ꞌíntjójín xkjín. Ta̱nga xi sa̱ꞌínchíkjo̱a̱ ngaskande nga kju̱i̱e̱tꞌa, kuí xi̱ꞌba̱ xi kjo̱tjoꞌa.

Kó kꞌuiyáni̱jmì kui éntjatsi̱e̱e̱ nínga botixómá Néná ngayeje nga̱sondiee̱, tsi̱ꞌe̱ nga sku̱i̱e̱ ngayeje na̱xi̱ńdá, kó kjiꞌa ꞌne̱ nga kju̱i̱e̱ nga̱sondiee̱.

Kó ko̱nda̱ꞌyájnú én nga kꞌuié kjo̱a̱xchán ko̱jo nga je kjima kjo̱a̱xchán jàn jàn, ta̱nga ngata̱ ndakonjínmájnú, ngatꞌa̱ ta̱kó bo̱a̱ ka̱ma, ta̱nga kji̱e̱ kjo̱chójín ni̱xtjin nga kju̱i̱e̱ nga̱sondiee̱.

Ngatꞌa̱ na̱xi̱ńdaá skjánjo̱ xkjín, ko̱jo já ree̱ skjánjo̱ xkjín. Kꞌuié kjindiá, kó kjín ngi̱ndie nínga ka̱ma kjo̱a̱ndi̱ko̱n, ta̱nga nga ka̱ma kui nii̱, sꞌe̱ tsí ku̱i̱ꞌítsꞌi̱yanii̱ xi so xi ndakjaa̱n.

Ndiꞌakꞌajmii̱ ko̱jo tꞌanangii̱ kjo̱a̱ꞌa, ta̱nga énna kjo̱a̱ꞌatiyàjín.

Ngatꞌa̱ achichí má xota̱ xi kjo̱e̱ꞌe ngajona nga bi̱ ka̱tso̱: Án boá xi Kristoo̱, kó kjín xota̱ xi kꞌo̱ṉcha̱jo.

Kósꞌe̱ xotaa̱ sa̱ꞌínkꞌasꞌienjnú jún tsi̱ꞌe̱ nga ku̱i̱yotjíngíjnú, ko̱jo tsi̱ꞌe̱ nga si̱ꞌankꞌiénjnú, kó ngayeje xota̱ sa̱ꞌínchꞌójnú ta̱ngatꞌanii̱ jaꞌénna. Kó kjiꞌá boá nga achichí kjín ka̱ma xota̱ xi tjimátji̱ngina xi ngiti̱ sꞌi̱jinjiín an, tjín xí sa̱ꞌínkꞌasꞌien xkjín, kó ja̱kꞌi̱e̱ ja̱ngaján ka̱ma chꞌoo̱ xkjín, kó achichí kjín ka̱ma jáchji̱ni̱e̱ꞌén ndiso xi kꞌuié, kó kjín xota̱ kꞌo̱ṉcha̱jo

Kó bi̱ katsó Kjisoo̱: –Chónjnú nga jmíjín xi kꞌo̱ṉcha̱jojnú.

Kó kuíni nga, ti̱ndyiondajnú ndatsa jún nga, ngatꞌa̱ nde xcha̱jínjnú, mí chi̱bo̱a̱ nga kjo̱e̱ꞌe ndií nda̱ xi̱ꞌii̱n.

Ngata̱ tsjayojoféjínjnú tsobo̱a̱, ngatꞌa̱ yàjínjnú mí chi̱bo̱a̱a̱ nga kjo̱e̱ꞌe Ndi̱a̱jnú.

Ta̱nga kui ni̱xtjin jàn ko̱jo kui chi̱bo̱a̱ jàn, ta̱ꞌyajín xi be, nde ndítsjiee̱ Néná xí síndo ndiꞌakꞌajmi jàn bejín, ta̱ ngototo Na̱ꞌmina xi be.

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín jáchji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ tsi kꞌo̱ṉcha̱jo xota̱ xi je jaꞌájin Néná.

Ngatꞌa̱ xikó kamá ni̱xtjin nga kisꞌijña Noee̱, bo̱a̱ má ka̱ma nga kjo̱e̱ꞌe ndií nda̱ xi̱ꞌii̱n. Ngatꞌa̱ xikoó kui ni̱xtjin jàn ngindiee̱ nga ko̱a̱ꞌa stsé ꞌniuú, kó ngaskande ni̱xtjin nga Noee̱ tsꞌasꞌien ngi̱ya tjotso jee̱, xotaa̱ iskjinie ko̱jo katsꞌe, ixán ko̱jo katsꞌénkixan xkjín, kó kamákjínjiín kui xotaa̱ ngaskande nga kjindibá stsé ꞌniuú, sꞌe̱ jesón ngándá ngayejee̱, bo̱a̱ má ka̱ma nga kjo̱e̱ꞌe ndií nda̱ xi̱ꞌii̱n.